Tipisalema 49:1-20

  • I vuphukuphuku ku tshemba rifuwo

    • A ku na munhu la nga ponisaka makwavo (7, 8)

    • Xikwembu xi ponisa eSirheni (15)

    • Rifuwo a ri ponisi eka rifu (16, 17)

Eka mufambisi. Pisalema ya vana va Kora.+ Miloti. 49  Yingisani n’wina vanhu hinkwenu. Rhiyani ndleve, n’wina hinkwenu lava tshamaka emisaveni,   N’wina vanhu va swiyimo swo hambanahambana,Swifumi ni swisiwana.   Nomu wa mina wu ta vulavula swilo swa vutlhari,Ni leswi ndzi nga ta anakanyisisa+ ha swona swi ta kombisa ku twisisa.   Ndzi ta yingiserisisa xivuriso;Ndzi ta hlamusela ntshayito wa mina ndzi ri karhi ndzi tlanga haripa.   Hikwalaho ka yini ndzi fanele ndzi chava hi nkarhi wa maxangu,+Loko ndzi rhendzeriwe hi vubihi bya lava lavaka ku ndzi menula?   Lava tshembaka xuma xa vona+Ni lava tibumaka hi rifuwo ra vona ro tala,+   A nga kona eka vona la nga ponisaka makwavoKumbe ku nyika Xikwembu nkutsulo wo ponisa makwavo,+   (Nkutsulo wa vutomi bya vona wu durha ngopfu Lerova a va nge pfuki va swi kotile ku wu hakela);   Leswaku a hanya hilaha ku nga heriki a nga voni sirha.+ 10  Wa swi vona leswaku ni tintlhari ta fa;Xiphukuphuku ni xihunguki na swona swa lova,+Ni leswaku va boheka ku siyela van’wana rifuwo ra vona.+ 11  Va navela onge tiyindlu ta vona ti nga tshama hilaha ku nga heriki,Matende ya vona na wona ma nga tshama hilaha ku nga heriki. Va thye ni tindhawu ta vona mavito ya vona. 12  Kambe hambiloko munhu a xiximiwa, a nge hanyi hilaha ku nga heriki;+A nga swi tluli swiharhi leswi faka.+ 13  Leyi i ndlela ya swiphukuphuku+Ni ya lava va swi landzelaka, lava tsakisiwaka hi marito ya swona lama nga pfuniki nchumu. (Selah) 14  Va ta ya eSirheni* ku fana ni tinyimpfu. Rifu ri ta va risa;Lavo lulama va ta va fuma+ nimixo. A va nge he kumeki;+Kaya ra vona ku ta va Sirha*+ ematshan’weni ya yindlu ya vuhosi.+ 15  Kambe Xikwembu xi ta ndzi ponisa ematimbeni ya Sirha,*+Hikuva xi ta ndzi koka xi ndzi humesa. (Selah) 16  U nga chavisiwi hi munhu loko a ganya,Loko rifuwo ra yindlu yakwe ri ya ri tala, 17  Hikuva loko a fa wa swi siya;+Rifuwo rakwe a ri nge fambi na yena esirheni.+ 18  Loko a ha hanya wa tibuma.+ (Vanhu va ku dzunisa loko swi ku fambela kahle.)+ 19  Kambe u hetelela a lahliwe ni vakokwa wakwe. A va nge he pfuki va vone ku vonakala. 20  Munhu la nga swi twisisiki leswi, hambiloko a xiximiwa,+A nga swi tluli swiharhi leswi faka.

Tinhlamuselo ta le hansi

Kumbe “eSheol.” Vona Tinhlamuselo.
Kumbe “Sheol.” Vona Tinhlamuselo.
Kumbe “Sheol.” Vona Tinhlamuselo.