Tipisalema 99:1-9

  • Yehovha, Hosi yo kwetsima

    • U tshame ehenhla ka makerubu (1)

    • Xikwembu lexi rivalelaka xi tlhela xi xupula (8)

99  Yehovha i Hosi.+ Vanhu a va rhurhumele. U tshame ehenhla* ka makerubu.+ Misava a yi tsekatseke.   Yehovha i nkulu eSiyoni,Naswona u tlakukile ku tlula vanhu hinkwavo.+   A va dzunise vito ra wena lerikulu,+Hikuva ra xiximeka naswona ra kwetsima.   I hosi leyi nga ni matimba leyi rhandzaka vululami.+ Wena u veke milawu leyinene. U tise vululami ni leswinene+ eka Yakobo.   Tlakusani Yehovha Xikwembu xa hina,+ mi khinsama* emilengeni yakwe;+Wa kwetsima.+   Muxe na Aroni a va ri van’wana va vaprista vakwe,+Naswona Samuwele a a ri un’wana wa lava vitanaka vito rakwe.+ A va vitana Yehovha,Naswona a a va hlamula.+   A a vulavula na vona a ri epapeni lerikulu.+ A va yingisa switsundzuxo swakwe ni milawu leyi a a va nyika yona.+   Yehovha Xikwembu xa hina u va hlamurile.+ A wu ri Xikwembu lexi xi va rivalelaka,+Kambe u va xupurile hikwalaho ka swidyoho swa vona.+   Vangamisani Yehovha Xikwembu xa hina+Mi khinsama* emahlweni ka ntshava yakwe yo kwetsima,+Hikuva Yehovha Xikwembu xa hina wa kwetsima.+

Tinhlamuselo ta le hansi

Kumbexana “exikarhi.”
Kumbe “gandzela.”
Kumbe “gandzela.”