Tipisalema 102:1-28

  • Xikhongelo xa loyi a tshikileriwaka la nga ni gome

    • “Ndzi fana ni xinyenyana lexi nga xoxe” (7)

    • ‘Masiku ya mina i ndzhuti lowu nyamalalaka’ (11)

    • “Yehovha u ta pfuxa Siyoni” (16)

    • Yehovha u tshama hilaha ku nga heriki (26, 27)

Xikhongelo xa munhu loyi a tshikilelekeke loko a hele matimba kutani a phofulela Yehovha leswi n’wi karhataka.+ 102  Yehovha Xikwembu xanga, yingisa xikhongelo xa mina;+Xirilo xa mina xo kombela ku pfuniwa a xi fike eka wena.+   U nga ndzi tumbeteli xikandza xa wena loko ndzi ri emaxangwini.+ Rhiya ndleve u ndzi yingisa;Hatla u ndzi hlamula loko ndzi ku vitana.+   Hikuva masiku ya mina ma nyamalala ku fana ni musi,Ni marhambu ya mina ma tshwa ku fana ni xitiko.+   Mbilu ya mina yi biwe hi dyambu ku fana ni byanyi naswona yi vunile,+Hikuva ndzi rivala ku dya swakudya.   Ndzi lo sala hi marhambu ntsena,+Hikwalaho ka ku konya ka mina lokukulu.+   Ndzi fana ni gumba* ra le mananga;Ndzi fana ni xikhovha lexitsongo exikarhi ka marhumbi.   Ni vurhongo a byi khomi;*Ndzi fana ni xinyenyana lexi nga xoxe elwangwini.+   Valala va mina va ndzi tlhontlhile siku hinkwaro.+ Lava ndzi hlekulaka* va tirhisa vito ra mina loko va rhuketela.   Hikuva ndzi dya nkuma ku fana ni xinkwa,+Naswona leswi ndzi swi nwaka swi pfangane ni mihloti,+ 10  Hikwalaho ka vukarhi bya wena ni ku hlundzuka ka wena,Hikuva u ndzi tlakusile, u ndzi cukumetela ekule. 11  Masiku ya mina ma fana ni ndzhuti lowu nyamalalaka,+Naswona ndza vuna ku fana ni byanyi.+ 12  Kambe wena Yehovha, u ta tshama hilaha ku nga heriki,+Ndhuma* ya wena yi ta tsundzukiwa hi vanhu hinkwavo.+ 13  Kunene wena u ta humelela u komba Siyoni tintswalo,+Hikuva i nkarhi wa leswaku u n’wi twela vusiwana;+Nkarhi lowu vekiweke wu fikile.+ 14  Hikuva malandza ya wena ma tsakela maribye yakwe+Naswona ma rhandza ni ritshuri rakwe.+ 15  Matiko ma ta chava vito ra Yehovha,Ni tihosi hinkwato ta misava ti ta chava ku vangama ka wena.+ 16  Hikuva Yehovha u ta pfuxa Siyoni;+U ta tikombisa leswaku wa vangama.+ 17  U ta yingisa swikhongelo swa swisiwana;+A nge swi tekeli ehansi swikhongelo swa swona.+ 18  Leswi swi tsaleriwe vanhu lava nga ta velekiwa,+Leswaku vanhu lava nga ta velekiwa* va ta dzunisa Yehovha. 19  Hikuva u languta ehansi a ri endhawini yakwe yo kwetsima,+Yehovha u languta emisaveni a ri ematilweni, 20  Leswaku a ta twa ku konya ka mubohiwa,+Leswaku a ta tshunxa lava gweviweke rifu,+ 21  Leswaku vito ra Yehovha ri ta twarisiwa eSiyoni+ A dzunisiwa eYerusalema, 22  Loko vanhu ni mifumo va hlengeletanaLeswaku va ta tirhela Yehovha.+ 23  U endle leswaku ndzi hatla ndzi heleriwa hi matimba;U hungute masiku ya mina. 24  Ndzi te: “Xikwembu xanga,U nga ndzi dlayi hikuva ndza ha ri ntsongo,Wena la nga kona hilaha ku nga heriki.+ 25  U endle masungulo ya misava khale ka khaleni,U endle matilo hi mavoko ya wena.+ 26  Ma ta lova kambe wena u ta tshama u ri kona;Ma ta hlakala hinkwawo ku fana ni xiambalo. A ma nge he vi kona, u ta ma siva hi man’wana ku fana ni loko ku cinciwa swiambalo. 27  Kambe wena a wu cinci naswona malembe ya wena a ma nge heli.+ 28  Vana va malandza ya wena va ta tshama va sirhelelekile,Naswona vana va wona va ta va kona hilaha ku nga heriki emahlweni ka wena.”+

Tinhlamuselo ta le hansi

Ku nga muxaka wo karhi wa xinyenyana.
Kumbexana “Ndzi ondzile.”
Kumbe “endlaka xiphukuphuku.”
Kumbe “Vito.” Hi Xiheveru, “Xitsundzuxo.”
Hi Xiheveru, “tumbuluxiwa.”