Tipisalema 127:1-5
Risimu Ra Lava Tlhandlukaka. Pisalema ya Solomoni.
127 Loko yindlu yi nga akiwi hi Yehovha,Hambiloko vaaki va yona vo tirha hi matimba a swi nge pfuni nchumu.+
Loko muti wu nga rindziwi hi Yehovha,+Hambiloko varindzi va tshama va xalamukile a swi nge pfuni nchumu.
2 A swi pfuni nchumu ku hubuta,Ni ku hlwela ku ya eku etleleni,Ni ku xanisekela ku kuma swakudya,Hikuva u hlayisa lava a va rhandzaka a tlhela a va nyika vurhongo.+
3 Vana i ndzhaka leyi humaka eka Yehovha;+Mihandzu ya khwiri i hakelo.+
4 Vana lava munhu a va kumaka a ha tiyile,Va fana ni miseve leyi khomiweke hi wanuna wa matimba.+
5 Wa tsaka munhu la nga ni miseve leyi yo tala.+
Hikuva va ta vulavula ni valala egedeni ya muti,A va nge khomiwi hi tingana.
