Tipisalema 62:1-12

  • Xikwembu hi xona xi kotaka ku ponisa

    • “Ndzi ta rindzela Xikwembu ndzi miyerile” (1, 5)

    • ‘Chululelani Xikwembu timbilu ta n’wina’ (8)

    • Vanhu va fana ni moya (9)

    • U nga tshembi rifuwo (10)

Eka mufambisi wa Yedutani.* Miloti ya Davhida. 62  Kunene ndzi rindzela Xikwembu ndzi miyerile. Ku ponisiwa ka mina ku huma eka xona.+   Hakunene, i ribye ra mina ni ku ponisiwa ka mina, vutumbelo bya mina lebyi sirhelelekeke;+A ndzi nge pfuki ndzi tsekatsekisiwile.+   Xana mi ta n’wi hlasela ku fika rini munhu leswaku mi n’wi dlaya?+ Hinkwenu mi ni khombo ku fana ni khumbi leri voyameke, khumbi ra maribye leri lavaka ku wa.*   Hikuva va boha makungu yo n’wi susa exikhundlheni* xakwe;Va tsakisiwa hi mavunwa. Va vulavula leswinene kambe embilwini va rhukana.+ (Selah)   Kunene ndzi rindzela Xikwembu ndzi miyerile,+Hikuva i xihlovo xa ntshembo wa mina.+   Hakunene, i ribye ra mina ni ku ponisiwa ka mina, vutumbelo bya mina lebyi sirhelelekeke;A ndzi nge pfuki ndzi tsekatsekisiwile.+   Ku ponisiwa ka mina ni ku dzunisiwa ka mina swi titshege hi Xikwembu. Xikwembu i ribye ra mina ro tiya ni vutumbelo bya mina.+   Tshamani mi ri karhi mi xi tshemba. Xi chululeleni timbilu ta n’wina.+ Xikwembu i vutumbelo bya hina.+ (Selah)   Vanhu va fana ni moya ntsena,Vanhu a vo va nchumu.+ Loko va kariwa hinkwavo, moya wu tika ku va tlula.+ 10  U nga tshembi ku dyelela van’wana,Kumbe ku tshemba ku yivela van’wana. Loko rifuwo ra wena ri ya ri tala u nga veki mbilu ya wena eka rona.+ 11  Xikwembu xi vurile kan’we, leswi ndzi swi twe kambirhi: Leswaku matimba i ya Xikwembu.+ 12  Ni musa i wa wena, Yehovha Xikwembu xanga,+Hikuva u hakela un’wana ni un’wana hi ku ya hi mitirho yakwe.+

Tinhlamuselo ta le hansi

Kumbexana “Hinkwenu onge hiloko a ri khumbi leri voyameke, khumbi ra maribye leri lavaka ku wa.”
Kumbe “xindzhuti.”