Tipisalema 21:1-13
Eka mufambisi. Miloti ya Davhida.
21 Yehovha Xikwembu xanga, hosi ya tsaka hi matimba ya wena;+Yi khana swinene hi ndlela leyi u ponisaka ha yona!+
2 U yi nyike leswi yi swi navelaka,+A wu yi tsonanga leswi milomu ya yona yi swi kombelaka. (Selah)
3 Hikuva u yi katekisa hi swilo leswinene ngopfu;U veka harhi ya nsuku wa xiyimo xa le henhla enhlokweni ya yona.+
4 Yi ku kombele vutomi kutani u yi nyikile,+Vutomi byo leha, hilaha ku nga heriki.
5 Ya xiximiwa swinene hikwalaho ka leswi u yi poniseke.+
U yi nyike xindzhuti ni ku saseka.
6 Wa yi katekisa hilaha ku nga heriki;+U yi endla yi tsaka hi ku tsaka ka xikandza xa wena.+
7 Hikuva hosi yi tshemba Yehovha;+Hikwalaho ka leswi yi rhandziwaka hi La Nge Henhlahenhla, a yi nge pfuki yi tsekatsekisiwile.+
8 Voko ra wena ri ta kuma valala va wena hinkwavo;Voko ra wena ra xinene ri ta kuma lava ku vengaka.
9 U ta va lovisa ku fana ni loko va hoxiwa endzilweni, hi nkarhi lowu u hlawuleke ku ta ha wona.
Yehovha u ta va mita a hlundzukile naswona va ta lovisiwa hi ndzilo.+
10 U ta lovisa vatukulu va vona emisaveni,Ni vana va vona exikarhi ka vanhu.
11 Hikuva va tiyimisele ku ku endlela swo biha;+Va bohe makungu lama nga taka ma nga humeleli.+
12 Hikuva u ta endla leswaku va baleka+Hi ku va kombetela hi vurha.
13 Humelela, Yehovha, u kombisa matimba ya wena.
Hi ta yimbelela hi dzunisa matimba ya wena.
