Tipisalema 89:1-52

  • Ku yimbelela hi rirhandzu ra Yehovha

    • Ku endla ntwanano na Davhida (3)

    • Vana va Davhida va ta va kona hilaha ku nga heriki (4)

    • Muhlawuriwa wa Xikwembu u n’wi vitana ‘Tatana’ (26)

    • Ntwanano wa Davhida wu tiyile (34-37)

    • Munhu a nge ri balekeli Sirha (48)

Maskili* ya Ethani+ lowa ka Ezra. 89  Ndzi ta yimbelela hi rirhandzu ra Yehovha hilaha ku nga heriki. Ndzi ta endla leswaku ku tshembeka ka wena ku tiviwa hi vanhu hinkwavo.   Hikuva ndzi te: “Rirhandzu ri ta va kona hilaha ku nga heriki,+Naswona u simeke ku tshembeka ka wena etilweni.”   “Ndzi endle ntwanano ni muhlawuriwa wa mina;+Ndzi hlambanyile eka Davhida nandza wa mina:+   ‘Ndzi ta endla leswaku vana* va wena+ va va kona hilaha ku nga heriki,Naswona ndzi ta aka xiluvelo xa wena hilaha ku nga heriki.’”+ (Selah)   Matilo ma dzunisa mitirho ya wena yo hlamarisa, wena Yehovha,Ina, ku tshembeka ka wena enhlengeletanweni ya vakwetsimi.   Hikuva i mani loyi a nga ringanaka na Yehovha etilweni?+ I mani loyi a fanaka na Yehovha exikarhi ka vana va Xikwembu?+   Xikwembu xa xiximeka enhlengeletanweni ya vakwetsimi;+I xikulu naswona xa xiximeka eka hinkwavo lava xi rhendzeleke.+   Yehovha Xikwembu xa mavuthu,I mani la nga ni matimba ku fana na wena, wena Yehovha?+ Ku tshembeka ka wena ku ku rhendzerile.+   U fuma ni lwandle leri karihaka swinene;+Loko magandlati ya rona ma hobomulana, wa ma miyeta.+ 10  U pfotlose Rahava+ ku fana ni munhu la dlayiweke.+ U hangalase valala va wena hi voko ra wena ra matimba.+ 11  Tilo ni misava i swa wena;+Tiko leri noneke ni leswi nga eka rona+ swi endliwe hi wena. 12  N’walungu ni dzonga swi tumbuluxiwe hi wena;Taboro+ na Herimoni+ swi dzunisa vito ra wena hi ntsako. 13  Voko ra wena ri ni matimba;+Voko ra wena ri ni ntamu;+Voko ra wena ra xinene ri tlakusiwile.+ 14  Ku lulama ni vululami i masungulo ya xiluvelo xa wena;+Rirhandzu ni ku tshembeka swi yime emahlweni ka wena.+ 15  Va tsaka vanhu lava tivaka ku huwelela ka ku tsaka.+ Va famba eku vonakaleni ka wena,* wena Yehovha. 16  Va tshama va tsakile hikwalaho ka vito ra wena,Naswona va tlakusiwa hi ku lulama ka wena. 17  Hikuva u ku vangama ni matimba ya vona,+Matimba ya hina ma engeteleka hikwalaho ka leswi u hi tsakelaka.+ 18  Hikuva xitlhangu xa hina i xa Yehovha,Hosi ya hina i ya Mukwetsimi wa Israyele.+ 19  Hi nkarhi wolowo u tirhise xivono loko u vulavula ni vanhu va wena vo tshembeka u ku: “Lowa matimba ndzi n’wi nyike ntamu;+Loyi ndzi n’wi hlawuleke ndzi n’wi tlakusile exikarhi ka vanhu.+ 20  Ndzi kume Davhida nandza wa mina;+Ndzi n’wi chele mafurha ya mina yo kwetsima.+ 21  Voko ra mina ri ta n’wi seketela,+Voko ra mina ri ta n’wi nyika matimba. 22  A ku na nala la nga ta n’wi sindzisa ku hakela xibalo,A ku na munhu la nga lulamangiki la nga ta n’wi tshikilela.+ 23  Ndzi ta pfotlosa valala vakwe emahlweni ka yena+Naswona ndzi ta dlaya lava n’wi vengaka.+ 24  Ku tshembeka ka mina ni rirhandzu ra mina swi le ka yena,+Matimba ya yena ma ta engeteriwa evitweni ra mina. 25  Ndzi ta veka voko rakwe ehenhla ka lwandleNi voko rakwe ra xinene ehenhla ka milambu.+ 26  U ta ndzi huwelela a ku: ‘U Tata wa mina,Xikwembu xa mina ni Ribye leri ndzi ponisaka.’+ 27  Ndzi ta n’wi endla mativula,+U ta va lonkulu eka tihosi ta misava.+ 28  Ndzi ta n’wi rhandza hilaha ku nga heriki,+Ntwanano wa mina na yena wu ta va kona hilaha ku nga heriki.+ 29  Ndzi ta endla leswaku vana* vakwe va va kona hilaha ku nga herikiNdzi ta endla leswaku vuhosi byakwe byi va kona hilaha ku nga heriki ku fana ni tilo.+ 30  Loko vana vakwe vo tshika nawu wa minaNaswona va nga landzeli swileriso swa mina, 31  Loko va tlula milawu ya minaVa nga swi landzeli swileriso swa mina, 32  Ndzi ta va ba hi nhonga+ hikwalaho ka leswi va nga yingisiki* Ni hikwalaho ka milandzu ya vona. 33  Kambe ndzi ta tshama ndzi ri karhi ndzi n’wi rhandza,+Ndzi ta endla leswi ndzi n’wi tshembiseke swona. 34  A ndzi nge wu cinci ntwanano wa mina+Kumbe ku cinca leswi ndzi swi vuleke.+ 35  Mina la kwetsimaka ndzi hlambanyile hilaha ku nga heriki;A ndzi nge n’wi xisi Davhida.+ 36  Vana* vakwe va ta va kona hilaha ku nga heriki;+Vuhosi byakwe byi ta tshama byi ri kona emahlweni ka mina ku fana ni dyambu.+ 37  Byi ta va kona hilaha ku nga heriki ku fana ni n’weti,Ku fana ni mbhoni yo tshembeka exibakabakeni.” (Selah) 38  Kambe wena u n’wi cukumetile naswona u n’wi fularherile;+U hlundzukele muhlawuriwa wa wena. 39  U herise ntwanano lowu u wu endleke ni nandza wa wena;U nyamise harhi yakwe hi ku yi lahlela ehansi. 40  U mbundzumuxe makhumbi yakwe hinkwawo ya maribye;U endle leswaku tindhawu takwe leti biyeriweke ti va marhumbi. 41  Hinkwavo lava hundzaka hi ndlela va n’wi yiverile;U hundzuke xihlekiso eka vaakelani vakwe.+ 42  U endle leswaku valala vakwe va hlula;*+U endle leswaku valala vakwe hinkwavo va tsaka. 43  U tlhele u bvinya banga rakwe,Naswona a wu n’wi seketelanga enyimpini. 44  U n’wi tekele vuhosi byakweU cukumete xiluvelo xakwe ehansi. 45  U komise masiku ya vuntshwa byakwe;U n’wi funengete hi tingana. (Selah) 46  Yehovha Xikwembu xa mina, xana u ta titumbeta ku fikela rini? Xana u ta tshama u tumberile?+ Xana vukarhi bya wena byi ta ya emahlweni byi pfurha ku fana ni ndzilo? 47  Tsundzuka leswaku vutomi bya mina byi komile!+ Xana a wu nga ri na xikongomelo loko u tumbuluxa vanhu hinkwavo? 48  Xana i mani loyi a nga ta ka a nga fi?+ Xana a nga tiponisa eka matimba ya Sirha?* (Selah) 49  Yi kwihi mitirho ya wena ya khale ya rirhandzu, wena YehovhaLeyi u hlambanyeleke Davhida ha yona hi ku tshembeka ka wena?+ 50  Yehovha Xikwembu xanga, tsundzuka ndlela leyi malandza ya wena ma sandziwaka ha yona;Ndlela leyi ndzi faneleke ndzi tiyiselela ku sandziwa hi vanhu hinkwavo; 51  Ndlela leyi valala va wena va ku rhukaneke ha yona, wena Yehovha;Ndlela leyi va rhukaneke mikondzo ya muhlawuriwa wa wena ha yona. 52  Yehovha a a dzunisiwe hilaha ku nga heriki. Amen, Amen.+

Tinhlamuselo ta le hansi

Hi Xiheveru, “mbewu.”
Hi Xiheveru, “eku vonakaleni ka xikandza xa wena.”
Hi Xiheveru, “mbewu.”
Kumbe “va xandzukaka.”
Hi Xiheveru, “Mbewu.”
Hi Xiheveru, “U tlakuse voko ra xinene ra valala vakwe.”
Hi Xiheveru, “voko ra Sheol.” Vona Tinhlamuselo.