Tipisalema 43:1-5

  • Xikwembu lexi nga Muavanyisi xa ponisa

    • “Rhumela ku vonakala ni ntiyiso wa wena” (3)

    • “Hikwalaho ka yini ndzi ri ni gome?” (5)

    • “Rindzela Xikwembu” (5)

43  Ndzi avanyise, Xikwembu xanga,+Lwela mhaka ya mina+ ehubyeni etikweni leri nga tshembekiki. Ndzi ponise eka munhu la kanganyisaka ni la nga lulamangiki.   Hikuva u Xikwembu xanga, khokholo ra mina.+ Hikwalaho ka yini u ndzi cukumetile? Hikwalaho ka yini ndzi fambafamba ndzi ri ni gome hileswi ndzi tshikileriwaka hi nala wa mina?+   Rhumela ku vonakala ni ntiyiso wa wena.+ Onge swi nga ndzi rhangela;+Onge swi nga ndzi kongomisa entshaveni ya wena yo kwetsima ni le tabernakeleni ya wena leyikulu.+   Kutani ndzi ta ya ealtarini ya Xikwembu,+Eka Xikwembu, ntsako wa mina lowukulu. Naswona ndzi ta ku dzunisa hi haripa,+ wena Xikwembu, Xikwembu xanga.   Hikwalaho ka yini ndzi ri ni gome? Hikwalaho ka yini ndzi pfilunganyekile? Rindzela Xikwembu,+Hikuva ndza ha ta xi dzunisa leswi xi nga Muponisi wa mina Lonkulu ni Xikwembu xa mina.+

Tinhlamuselo ta le hansi