Tipisalema 108:1-13

  • Xikhongelo xo hlula valala

    • Ku ponisiwa hi munhu a swi pfuni nchumu (12)

    • “Xikwembu xi ta hi nyika matimba” (13)

Risimu. Miloti ya Davhida. 108  Mbilu ya mina yi yime yi tiya, Xikwembu xanga. Ndzi ta yimbelela ndzi tlhela ndzi tlanga swichayachayana hi ku tiyimisela.+   Xalamuka, wena xitende; na wena haripa.+ Ndzi ta pfuxa vurhonga.   Ndzi ta ku dzunisa exikarhi ka vanhu, Yehovha Xikwembu xanga,Ndzi ta ku yimbelelela tinsimu ndzi ku dzunisa exikarhi ka vamatiko.   Hikuva rirhandzu ra wena i rikulu ri fika ni le tilweni,+Ni ku tshembeka ka wena ku fika ni le xibakabakeni.   Kombisa vuhosi bya wena etilweni, Xikwembu xanga;Ku vangama ka wena a ku ve ehenhla ka misava hinkwayo.+   Leswaku lava u va rhandzaka va ta ponisiwa,Hi ponise hi voko ra wena ra xinene u ndzi hlamula.+   Xikwembu lexi kwetsimaka* xi vulavurile xi ku: “Ndzi ta tsaka, ndzi ta nyikela hi Xikeme+ tanihi ndzhaka,Ndzi ta pima Nkova wa Sukoti.+   Tiko ra Giliyadi+ i ra mina ku fana na Manase,Kasi Efrayimi i gondolo* ra nhloko ya mina;+Yuda i nhonga ya ndhuna ya mina.+   Mowabu i xibya xa mina xo hlambela eka xona.+ Ndzi ta lahlela phaxani ra mina ehenhla ka Edomu.+ Naswona ndzi ta ba nkulungwana hileswi ndzi hluleke Vafilista.”+ 10  I mani la nga ta ndzi yisa emutini lowu biyeleriweke? I mani la nga ta ndzi yisa eEdomu?+ 11  Xana a hi wena Xikwembu u hi fularheleke,Xikwembu xa hina, lexi tshikeke ku seketela mavuthu ya hina?+ 12  Hi pfune emaxangwini ya hina,+Hikuva ku ponisiwa loku humaka eka vanhu a hi nchumu.+ 13  Xikwembu xi ta hi nyika matimba,+Naswona xi ta kandziyela valala va hina.+

Tinhlamuselo ta le hansi

Kumbexana “lexi nga endhawini ya xona yo kwetsima xi ri.”
Ku nga xigqoko xo sirhelela nhloko.