“Buku leyi ya Nawu a yi fanelanga yi suka enon’wini wa wena naswona u fanele u yi hlaya hi rito ra le hansi vusiku ni nhlikanhi, leswaku u ta landzela hinkwaswo leswi tsariweke eka yona; loko u endla tano swi ta ku fambela kahle naswona u ta tlhariha.”

Yoxuwa 1:8

“Va ya emahlweni va hlaya Nawu wa Xikwembu xa ntiyiso, va wu hlamusela kahle, va wu endla wu twisiseka; hi ndlela yoleyo va pfuna vanhu ku twisisa leswi a swi hlayiwa.”

Nehemiya 8:8

“Wa tsaka munhu la nga landzeriki switsundzuxo swa lavo homboloka . . . , kambe a rhandza nawu wa Yehovha, naswona a hlaya nawu Wakwe hi rito ra le hansi vusiku ni nhlikanhi. . . . Hinkwaswo leswi a swi endlaka swi ta humelela.”

Pisalema 1:1-3

“Filipi a tsutsuma etlhelo ka yona kutani a twa mutsheniwa a ri karhi a yi hlayela ehenhla buku ya muprofeta Esaya, kutani a n’wi vutisa a ku: ‘Xana wa swi twisisa leswi u swi hlayaka?’ A hlamula a ku: ‘Ndzi nga swi twisisa njhani handle ka loko un’wana o ndzi kongomisa?’”

Mitirho 8:30, 31

 “Hambileswi Xikwembu xi nga vonakiki, vumunhu bya xona bya vonaka ku sukela loko misava yi tumbuluxiwile ku ya emahlweni, hikuva byi vonaka eka swilo leswi xi swi tumbuluxeke hambi ku ri matimba ya xona lama nga heriki ni leswaku hi xona Xikwembu, lerova a va swi koti ku tiyimelela.”

Varhoma 1:20

“Anakanyisisa hi swilo leswi; u dzika eka swona, leswaku vanhu hinkwavo va ta swi vona leswaku u Mukreste loyi a wupfeke.”

1 Timotiya 4:15

“A hi khathalelaneni hi khutazana ku rhandzana ni ku endla mitirho leyinene, hi nga tshiki ku hlengeletana.”

Vaheveru 10:24, 25

“Loko ku ri ni loyi a pfumalaka vutlhari exikarhi ka n’wina, a a ye emahlweni a kombela eka Xikwembu hikuva xi nyika hinkwavo hi mbilu yo basa handle ko xopaxopa swihoxo kutani xi ta n’wi nyika byona.”

Yakobo 1:5