Tipisalema 11:1-7

  • Ku tumbela eka Yehovha

    • “Yehovha u le tempeleni yakwe yo kwetsima” (4)

    • Xikwembu xi venga la rhandzaka madzolonga (5)

Eka mufambisi. Pisalema ya Davhida. 11  Ndzi tumbela eka Yehovha.+ Kutani hikwalaho ka yini mi ku: “Balekela entshaveni ya wena ku fana ni xinyenyana!   Vona ndlela leyi lavo homboloka va govaka vurha ha yona;Va veka nseve eka ntambhu ya vurha,Leswaku va copa lava lulameke va ri exinyamini.   Loko masungulo* ma mbundzumuxiwa,Xana lowo lulama a nga endla yini?”   Yehovha u le tempeleni yakwe yo kwetsima.+ Xiluvelo xa Yehovha xi le tilweni.+ Matihlo yakwe ma vona, matihlo yakwe lama vonaka ngopfu ma kambela vanhu.+   Yehovha u kambela lowo lulama ni lowo homboloka;+U venga un’wana ni un’wana la rhandzaka madzolonga.+   U ta nisela lavo homboloka swirimbana;*Va ta boheka ku nwa ndzilo, xivavula+ ni moya wo hisa.   Hikuva Yehovha u lulamile;+ u rhandza swiendlo swo lulama.+ Lavo lulama u ta va komba musa.*+

Tinhlamuselo ta le hansi

Kumbe “masungulo ya vuavanyisi lebyinene.”
Kumbexana “makala lama pfurhaka.”
Hi Xiheveru, “va ta vona xikandza xakwe.”