Tipisalema 6:1-10
Eka mufambisi; risimu leri fambisanaka ni switende hi mpfumawulo wa le hansi.* Miloti ya Davhida.
6 Yehovha Xikwembu xanga, u nga ndzi tshinyi u hlundzukile,U nga ndzi lulamisi u karihile.+
2 Ndzi kombe musa Yehovha, hikuva ndzi hele matimba.
Ndzi horise Yehovha,+ hikuva marhambu ya mina ma ngundlangundla.
3 Ndzi karhatekile swinene,+Naswona ndza ku vutisa Yehovha, xana ndzi ta xaniseka ku fikela rini?+
4 Yehovha Xikwembu xanga, vuya u ta ndzi ponisa;+Ndzi ponise hikuva u ni rirhandzu.+
5 Hikuva lava feke a va vulavuli ha wena;*I mani loyi a nga ku dzunisaka a ri eSirheni?*+
6 Ndzi konye kukondza ndzi hela matimba;+Ndzi tsakamise mubedo wa mina hi mihloti vusiku hinkwabyo;Sofa ra mina ro dabudabu hikwalaho ko rila.+
7 Tihlo ra mina ri tsanile hikwalaho ka gome;+A ra ha voni kahle hikwalaho ka hinkwavo lava ndzi xanisaka.
8 Ndzi sukeleni n’wina hinkwenu lava hanyaka hi swo biha,Hikuva Yehovha u ta twa xirilo xa mina.+
9 Yehovha u ta ndzi twa loko ndzi kombela ku tweriwa vusiwana;+Yehovha u ta yingisa xikhongelo xa mina.
10 Valala va mina hinkwavo va ta khomiwa hi tingana swinene va tlhela va chava;Va ta tlhelela endzhaku hi ku hatlisa va ri karhi va nyuma.+
Tinhlamuselo ta le hansi
^ Hi Xiheveru, “Xeminiti.” Vona Tinhlamuselo.
^ Kumbe “eSheol.” Vona Tinhlamuselo.
^ Kumbe “a va ku tsundzuki.”
