Tipisalema 52:1-9

  • Ku tshemba rirhandzu ra Xikwembu

    • Lava tibumaka hi leswo biha va lemukisiwa (1-5)

    • Lava nga tiviki Xikwembu va tshemba rifuwo (7)

Eka mufambisi. Maskili* ya Davhida, loko Dowege wa Muedomu a te a ta byela Sawulo leswaku Davhida a a ye endlwini ya Ahimeleke.+ 52  Hikwalaho ka yini u tibuma hi swiendlo swa wena swo biha, wena la nga ni matimba?+ Rirhandzu ra Xikwembu ri tshama ri ri kona.+   Ririmi ra wena, leri karihaka ku fana ni xikaringana,*+Ri boha makungu yo biha naswona ra kanganyisa.+   U rhandza swo biha ku tlula leswinene,Mavunwa ku tlula ku vulavula ntiyiso. (Selah)   U rhandza marito lama onhaka,Wena ririmi leri nga ni vuxisi.   Hi yona mhaka leyi Xikwembu xi nga ta ku wisela makumu;+Xi ta ku vutla xi ya ku lahlela ekule ni tende ra wena;+Xi ta ku tsuvula etikweni ra lava hanyaka.+ (Selah)   Lavo lulama va ta swi vona kutani va hlamala,+Naswona va ta n’wi hleka.+   “Hi loyi munhu la nga lavangiki vutumbelo eka Xikwembu,+Kambe a tshembaka rifuwo rakwe ro tala,+Naswona a tshembaka makungu yakwe yo biha.”   Kambe ndzi ta fana ni murhi lowukulu wa mutlhwari lowu nga endlwini ya Xikwembu;Ndzi tshemba rirhandzu+ ra Xikwembu hilaha ku nga heriki.   Ndzi ta ku dzunisa hilaha ku nga heriki hikwalaho ka leswi u swi endleke;+Exikarhi ka vanhu va wena vo tshembeka,Ndzi ta tshemba vito ra wena+ hikuva i rinene.

Tinhlamuselo ta le hansi

Kumbe “xisingwana.”