Tipisalema 116:1-19

  • Risimu ra ku tlangela

    • “Xana ndzi ta n’wi hakela hi yini Yehovha?” (12)

    • “Ndzi ta teka xinwelo xa ku ponisa” (13)

    • “Ndzi ta endla leswi ndzi swi tshembiseke Yehovha” (14, 18)

    • I ka risima ku fa ka lavo tshembeka (15)

116  Ndza n’wi rhandza YehovhaHikuva u twa rito ra mina ni swikombelo swa mina.+   Hikuva u rhiya ndleve a ndzi yingisa,+Naswona ndzi ta n’wi vitana ntsena loko ndza ha hanya.   Tintambhu ta rifu ti ndzi rhendzerile;Ndzi bvungiwe hi Sirha.*+ Ndzi ni gome ni nhlomulo lowukulu.+   Kambe ndzi vitane vito ra Yehovha:+ “Ndzi ponise Yehovha Xikwembu xanga!”   Yehovha u ni ntwelavusiwana* naswona u lulamile;+Xikwembu xa hina xi ni tintswalo.+   Yehovha u rindza lava nga riki na ntokoto.+ A ndzi hele matimba kutani u ndzi ponisile.   Ndzi ta tlhela ndzi wisa,Hikuva Yehovha u ndzi kombe musa.   U ndzi ponisile eku feni,Tihlo ra mina emihlotini, nenge wa mina eku khundlunyiweni.+   Ndzi ta famba emahlweni ka Yehovha etikweni ra lava hanyaka. 10  Ndzi vulavurile hikuva a ndzi ri ni ripfumelo;+Ndzi xanisiwe ngopfu. 11  Ndzi chuhile hiloko ndzi ku: “Munhu un’wana ni un’wana i muhembi.”+ 12  Xana ndzi ta n’wi hakela hi yini YehovhaEka hinkwaswo leswinene leswi a ndzi endleleke swona? 13  Ndzi ta teka xinwelo xa ku ponisa,Naswona ndzi ta vitana vito ra Yehovha. 14  Ndzi ta endla leswi ndzi swi tshembiseke Yehovha,Emahlweni ka vanhu vakwe hinkwavo.+ 15  I ka risima ematihlweni ya YehovhaKu fa ka lavo tshembeka vakwe.+ 16  Ndza ku kombela Yehovha,Hikuva ndzi nandza wa wena. Ndzi nandza wa wena, n’wana wa nandza wa wena wa xisati. U ndzi tshunxile eka tinketani ta mina.+ 17  Ndzi ta ku endlela gandzelo ra ku ku khensa;+Ndzi ta vitana vito ra Yehovha. 18  Ndzi ta endla leswi ndzi swi tshembiseke Yehovha,+Emahlweni ka vanhu vakwe hinkwavo,+ 19  Eswivaveni* swa yindlu ya Yehovha,+Exikarhi ka wena, wena Yerusalema. Dzunisani Yehovha!*+

Tinhlamuselo ta le hansi

Hi Xiheveru, “Swiyimo leswi karhataka swa Sheol swi ndzi kumile.”
Kumbe “nsovo.”
Kumbe “Haleluya,” leswi vulaka “Dzunisani Yah” ku nga nkomiso wa vito leri nge Yehovha.