Tipisalema 7:1-17
-
Yehovha i Muavanyisi lonene
-
“Ndzi avanyise Yehovha” (8)
-
Risimu ra xirilo ra Davhida leri a ri yimbeleleleke Yehovha hikwalaho ka marito ya Kuxi loyi a ri wa ka Benjamini.
7 Yehovha Xikwembu xanga, ndzi tumbela eka wena.+
Ndzi ponise eka hinkwavo lava ndzi xanisaka u ndzi kutsula.+
2 Handle ka swona va ta ndzi phatlulela ku fana ni nghala,+Va ndzi rhwala, ku pfumala ni un’we wo ndzi ponisa.
3 Yehovha Xikwembu xanga, loko ndzi endle xihoxo emhakeni leyi,Loko ndzi endle leswi nga lulamangiki,
4 Loko ndzi hoxele loyi a ndzi endlelaka leswinene,+Kumbe loko ndzi tekele nala wa mina swo karhi handle ka xivangelo,
5 Kutani nala a a ndzi hlongorise kukondza a ndzi kuma;A a kandziyele vutomi bya mina emisaveni
A endla leswaku xindzhuti xa mina xi helela entshurini. (Selah)
6 Yehovha Xikwembu xanga, humelela u hlundzukile;Ndzi sirhelele eka vukarhi bya valala va mina;+Pfuka u ndzi ponisa, u endla leswaku ku va ni vululami.+
7 Matiko a ma ku rhendzele;Kutani u ta lwa na wona u ri ehenhla.
8 Yehovha u ta gweva vanhu.+
Ndzi avanyise Yehovha hi ku ya hi ku lulama ka minaNi hi ku tshembeka ka mina.+
9 Ndzi kombela u herisa mitirho yo biha ya lavo homboloka.
Kambe u tiyisa lavo lulama,+Hikuva u Xikwembu lexi lulameke,+ lexi kambelaka timbilu+ ni miehleketo.*+
10 Xikwembu i xitlhangu xa mina,+ Muponisi wa lava nga ni timbilu letinene.+
11 Xikwembu i Muavanyisi wo lulama,+Naswona Xikwembu xi humesa swigwevo swa xona siku ni siku.
12 Loko a nga ri kona la hundzukaka,+ xi lota banga ra xona;+Xi vamba vurha* bya xona byi lungheka.+
13 Xi lulamisa matlhari ya xona yo dlaya;Xi lulamisa miseve ya xona leyi pfurhaka.+
14 Vona la nga tika vubihi;U tike maxangu a veleka mavunwa.+
15 U cela khele ro enta,Kambe u tlhela a wela ekheleni rero leri a ri celeke.+
16 Vubihi lebyi a byi endlaka byi ta vuyela enhlokweni yakwe;+Madzolonga yakwe ma ta xikela ethavathaveni rakwe.
17 Ndzi ta dzunisa Yehovha hikwalaho ka vululami bya yena;+Ndzi ta yimbelela ndzi dzunisa vito ra Yehovha+ La Nge Henhlahenhla.+
