Nghena endzeni

Hundzela eka leswi nga endzeni

 XIVUTISO 15

U Nga Wu Kuma Njhani Ntsako?

“Swa antswa ku dya matsavu laha ku nga ni rirhandzu ku ri ni ku dya nyama ya nkuzi leyi noneke laha ku nga ni rivengo.”

Swivuriso 15:17

“Mina Yehovha, ndzi Xikwembu xa wena, Loyi a ku dyondziselaka ku ku pfuna, Loyi a ku kongomisaka endleleni leyi u faneleke u famba hi yona.”

Esaya 48:17

“Va tsaka lava tikarhatelaka ku va ni vuxaka ni Xikwembu, hikuva Mfumo wa matilo i wa vona.”

Matewu 5:3

“U fanele u rhandza warikwenu hi ndlela leyi u tirhandzaka ha yona.”

Matewu 22:39

“Leswi mi lavaka van’wana va mi endlela swona na n’wina va endleleni swona.”

Luka 6:31

“Va tsaka lava twaka rito ra Xikwembu va tlhela va endla leswi ri swi vulaka!”

Luka 11:28

 “Hambiloko munhu a ri ni swilo swo tala, vutomi byakwe a byi humi eka swona.”

Luka 12:15

“Kutani, loko hi ri ni swakudya ni swiambalo hi ta eneriseka hi swilo leswi.”

1 Timotiya 6:8

“Ku nyika swi tisa ntsako lowukulu ku tlula ku amukela.”

Mitirho 20:35