Tipisalema 57:1-11

  • Xikombelo xo tweriwa vusiwana

    • Ku tumbela ehansi ka timpapa ta Xikwembu (1)

    • Valala va phasiwa hi ntlhamu wa vona (6)

Eka mufambisi; hi mayimbelelelo ya risimu leri nge, “U Nga Lovisi.” Miktami* ya Davhida. Loko a baleka Sawulo a ya tumbela ebakweni.+ 57  Ndzi twele vusiwana, Xikwembu xanga, ndzi twele vusiwana,Hikuva ndzi tumbela eka wena,+Ndzi tumbela endzhutini wa timpapa ta wena kukondza maxangu ma hundza.+   Ndzi vitana Xikwembu Lexi Nge Henhlahenhla,Xikwembu xa ntiyiso lexi herisaka maxangu ya mina.   Xi ta ndzi pfuna xi ri etilweni xi ndzi ponisa.+ Xi ta pfilunganya la ndzi hlaselaka. (Selah) Xikwembu xi ta kombisa rirhandzu ni ku tshembeka ka xona.+   Ndzi rhendzeriwe hi tinghala;+Ndzi etlela exikarhi ka vanhu lava lavaka ku ndzi mita,Lava meno ya vona ma fanaka ni matlhari ni miseveNi lava ririmi ra vona ri karihaka ku fana ni banga.+   Kombisa vuhosi bya wena etilweni, Xikwembu xanga;Ku vangama ka wena a ku ve ehenhla ka misava hinkwayo.+   Va lava ku ndzi phasa milenge hi nete;+Ndzi hele matimba hikwalaho ka maxangu.+ Va cele khele emahlweni ka mina,Kambe va tlhele va wela eka rona.+ (Selah)   Mbilu ya mina yi yime yi tiya, Xikwembu xanga,+Mbilu ya mina yi yime yi tiya. Ndzi ta yimbelela ndzi tlhela ndzi tlanga swichayachayana.   Xalamuka, wena mbilu* yanga. Xalamuka, wena xitende; na wena haripa. Ndzi ta pfuxa vurhonga.+   Ndzi ta ku yimbelelela tinsimu ndzi ku dzunisa exikarhi ka vanhu, Yehovha Xikwembu xanga;+Ndzi ta ku yimbelelela ndzi ku dzunisa exikarhi ka vamatiko.+ 10  Hikuva rirhandzu ra wena i rikulu ri fika ni le tilweni,+Ni ku tshembeka ka wena ku fika ni le xibakabakeni. 11  Kombisa vuhosi bya wena etilweni, Xikwembu xanga;Ku vangama ka wena a ku ve ehenhla ka misava hinkwayo.+

Tinhlamuselo ta le hansi

Hi Xiheveru, “ku vangama ka mina.”