Tipisalema 19:1-14

  • Ntumbuluko ni nawu wa Xikwembu swi nyikela vumbhoni

    • “Matilo ma twarisa ku vangama ka Xikwembu” (1)

    • Nawu wa Xikwembu lowu hetisekeke wa hanyisa (7)

    • “Swihoxo leswi ndzi nga swi tiviki” (12)

Eka mufambisi. Miloti ya Davhida. 19  Matilo ma twarisa ku vangama ka Xikwembu;+Xibakabaka xi huwelela ntirho wa mavoko ya xona.+   Siku ni siku swa vulavula,Ni vusiku byin’wana ni byin’wana swi kombisa vutivi.   A swi vulavuli naswona a swi na marito;Rito ra swona a ri twakali.   Kambe mpfumawulo* wa swona wu twakale emisaveni hinkwayo,Ni rungula ra swona ri fike hinkwako emisaveni.+ Xi dzimele dyambu tende ematilweni;   Ri fana ni muteki loko a huma ekamareni rakwe;Ri tsaka ku fana ni wanuna wa matimba la tsutsumaka emphikizanweni.   Ri huma evugimamusi bya matilo,Ri rhendzeleka ri ya fika evugimamusi byin’wana;+A wu kona nchumu lowu nga tumbelaka ku hisa ka rona.   Nawu wa Yehovha wu hetisekile,+ wa hanyisa.+ Xitsundzuxo xa Yehovha xa tshembeka,+ xi tlharihisa la nga riki na ntokoto.+   Swileriso leswi humaka eka Yehovha swi lulamile, swi tsakisa mbilu;+Nawu wa Yehovha wu basile, wu pfula matihlo.+   Ku chava Yehovha+ ku tengile, ku tshama hi masiku. Swiboho swa Yehovha i ntiyiso, swi lulamile hi ku helela.+ 10  Swi naveleka ku tlula nsuku,Ku tlula nsuku wa xiyimo xa le henhla,+Naswona swi tsokombela ku tlula vulombe,+ vulombe lebyi thonaka eswihlengeni. 11  Swi lemukise nandza wa wena;+Swa vuyerisa swinene ku swi yingisa.+ 12  I mani la nga vonaka swihoxo swakwe?+ U nga ndzi voni nandzu hi swihoxo leswi ndzi nga swi tiviki. 13  Sivela nandza wa wena a papalata swiendlo swa ku tikukumuxa;+U nga swi pfumeleli swi ndzi lawula.+ Kutani a ndzi nge soleki,+Naswona ndzi ta va ndzi basile eka swidyoho leswikulu. 14  Onge marito ya mina ni leswi nga embilwini ya minaSwi nga ku tsakisa,+ Yehovha Xikwembu xanga, Ribye ra mina+ ni Mukutsuri wa mina.+

Tinhlamuselo ta le hansi

Kumbexana “ntambhu yo pima.”