Tipisalema 97:1-12

  • Yehovha u tlakuke ku tlula swikwembu leswin’wana hinkwaswo

    • “Yehovha i Hosi!” (1)

    • Rhandza Yehovha, venga leswo biha (10)

    • Ku voningeriwa ka lavo lulama (11)

97  Yehovha i Hosi!+ Misava a yi tsake.+ Swihlala swo tala a swi tsake.+   U rhendzeriwe hi mapapa ni munyama lowukulu;+Xiluvelo xakwe xi sekeriwe eka ku lulama ni vululami.+   Emahlweni ka yena ku ni ndzilo+Wu herisa valala vakwe matlhelo hinkwawo.+   Rihati rakwe ri voninga tiko;Misava ya ri vona kutani yi rhurhumela.+   Tintshava ta n’oka ku fana ni mhula* emahlweni ka Yehovha,+Emahlweni ka Hosi ya misava hinkwayo.   Matilo ma twarisa ku lulama ka yena,Naswona vanhu hinkwavo va vona ku vangama kakwe.+   Hinkwavo lava gandzelaka xifaniso lexi vatliweke a va khomiwe hi tingana,+Lava tibumaka hi swikwembu swa vona leswi nga pfuniki nchumu.+ N’wina swikwembu hinkwaswo, khinsamani* eka yena.+   Muti wa Siyoni wa swi twa, wu tsaka;+Swimitana* swa Yuda swi tsakileHikwalaho ka vuavanyisi bya wena, Yehovha Xikwembu xanga.+   Hikuva wena Yehovha hi wena La Nge Henhlahenhla emisaveni hinkwayo;U tlakukile swinene eka swikwembu leswin’wana hinkwaswo.+ 10  N’wina lava rhandzaka Yehovha, vengani leswo biha.+ U sirhelela vutomi bya vanhu vakwe lava tshembekaka;+Wa va ponisa evokweni* ra lavo homboloka.+ 11  Ku vonakala ku voningele lavo lulama+Naswona va tsaka lava nga ni timbilu letinene. 12  N’wina lavo lulama tsakani eka Yehovha,Khensani vito* rakwe ro kwetsima.

Tinhlamuselo ta le hansi

Ku nga mafi lama damarhelaka lama kumekaka laha tinyoxi ti endlelaka xihlenge kona.
Kumbe “gandzeleni.”
Hi Xiheveru, “Vanhwanyana.”
Kumbe “eka matimba.”
Hi Xiheveru, “xitsundzuxo.”