Tipisalema 20:1-9
-
Ku ponisiwa ka hosi leyi Xikwembu xi yi hlawuleke
-
Van’wana va tshemba makalichi ni tihanci, “kambe hina hi vitana vito ra Yehovha” (7)
-
Eka mufambisi. Miloti ya Davhida.
20 Onge Yehovha a nga ku hlamula hi siku ra maxangu.
Onge vito ra Xikwembu xa Yakobo ri nga ku sirhelela.+
2 Onge a nga rhumela mpfuno ku suka endhawini yo kwetsima+A ku seketela ku suka eSiyoni.+
3 Onge a nga tsundzuka magandzelo ya wena hinkwawo;Onge a nga tsakela gandzelo ra wena ro hisiwa. (Selah)
4 Onge a nga ku nyika leswi u swi navelaka+Ni ku endla leswaku makungu ya wena hinkwawo ma humelela.
5 Hi ta ba mikulungwana hikuva u hi ponisile;+Hi ta yimisa mijeko hi vito ra Xikwembu xa hina.+
Onge Yehovha a nga ku endlela hinkwaswo leswi u swi kombelaka.
6 Sweswi ndza swi tiva leswaku Yehovha u ponisa muhlawuriwa wakwe.+
U n’wi hlamula a ri ematilweni yakwe yo kwetsimaU ponisa* hi voko rakwe ra xinene ra matimba.+
7 Van’wana va tshemba makalichi kasi van’wana va tshemba tihanci,+Kambe hina hi vitana vito ra Yehovha Xikwembu xa hina.+
8 Va tshovekile va tlhela va wa,Kambe hina hi pfukile hi kuma matimba.+
9 Yehovha, ponisa hosi!+
U ta hi hlamula hi siku leri hi nga ta kombela mpfuno.+
Tinhlamuselo ta le hansi
^ Kumbe “hlula.”
