Tipisalema 48:1-14

  • Siyoni i muti wa Hosi Leyikulu

    • Ntsako wa misava hinkwayo (2)

    • Kambelani muti ni swihondzo swa wona (11-13)

Risimu. Miloti ya vana va Kora.+ 48  Yehovha i nkulu naswona u faneriwa swinene hi ku dzunisiwaEmutini wa Xikwembu xa hina, entshaveni ya xona yo kwetsima.   Ntshava ya Siyoni leyi nga en’walungwini,Yi tlakuke yi tlhela yi saseka naswona yi tsakisa misava hinkwayo,+Muti wa Hosi Leyikulu.+   Xikwembu xi endle swi tiviwa leswaku hi xona vutumbelo lebyi sirhelelekeke,+Endzeni ka swihondzo swa wona leswi hlayisekeke.   Hikuva waswivo, tihosi ti hlengeletanile;Ti hundze swin’we.   Loko ti wu vona, ti hlamarile. Ti khomiwe hi ku chava kutani ti baleka.   Ti sungule ku rhurhumela kwalaho,Ti khomiwa hi switlhavi swo fana ni swa wansati loko a veleka.   U tshove swikepe swa le Taraxixi hi moya wa le vuxeni.   Leswi hi swi tweke, se hi swi vone hi matihloEmutini wa Yehovha wa mavuthu, emutini wa Xikwembu xa hina. Xikwembu xi ta wu simeka wu tiya hilaha ku nga heriki.+ (Selah)   Hi anakanyisisa hi rirhandzu ra wena, Xikwembu xa hina,+Loko hi ri etempeleni ya wena. 10  Ku fana ni vito ra wena, Xikwembu xanga, ku dzuneka ka wenaKu fika emakun’wini ya misava.+ Voko ra wena ra xinene ri tele hi ku lulama.+ 11  Onge Ntshava ya Siyoni+ yi nga tsaka,Onge swimitana* swa Yuda swi nga tsaka hikwalaho ka vuavanyisi bya wena.+ 12  Rhendzelekani hi muti wa Siyoni;Hlayelani swihondzo swa wona.+ 13  Langutani makhumbi ya wona.+ Kambelani swihondzo swa wona,Leswaku mi ta rungulela vanhu lava nga ta tswariwa. 14  Hikuva Xikwembu lexi, i Xikwembu xa hina+ hilaha ku nga heriki. Xi ta hi kongomisa hilaha ku nga heriki.*+

Tinhlamuselo ta le hansi

Hi Xiheveru, “vanhwanyana.”
Kumbexana “kukondza hi fa.”