Tipisalema 13:1-6

  • Ku navela ku ponisiwa hi Yehovha

    • ‘Ku fikela rini Yehovha Xikwembu xanga?’ (1, 2)

    • Yehovha wa katekisa swinene (6)

Eka mufambisi. Miloti ya Davhida. 13  Yehovha Xikwembu xanga, xana u ta ndzi rivala ku fikela rini? Hilaha ku nga heriki ke? Xana u ta ndzi tumbetela xikandza xa wena ku fikela rini?+   Xana ndzi ta tshamela ku karhateka,Ni ku va ni gome embilwini ya mina ku fikela rini? Xana nala wa mina u ta ndzi hlula ku fikela rini?+   Yehovha Xikwembu xanga, ndzi langute u tlhela u ndzi hlamula. Ndzi nyike matimba leswaku ndzi nga fi,   Leswaku nala wa mina a nga vuli a ku: “Ndzi n’wi hlurile!” U nga tshiki valala va mina va tsaka loko ndzi wile.+   Loko ku ri mina, ndzi tshembe rirhandzu ra wena;+Mbilu ya mina yi ta tsaka loko u ndzi ponisa.+   Ndzi ta yimbelelela Yehovha, hikuva u ndzi katekisile swinene.+

Tinhlamuselo ta le hansi