Tipisalema 41:1-13
Eka mufambisi. Miloti ya Davhida.
41 Wa tsaka loyi a ehleketelelaka xisiwana;+Yehovha u ta n’wi ponisa hi siku ra khombo.
2 Yehovha u ta n’wi hlayisa a hanya.
U ta vuriwa la tsakeke emisaveni;+A wu nge n’wi nyiketi eka valala vakwe.+
3 Yehovha u ta n’wi seketela loko a vabya;+U ta n’wi hlayisa loko a vabya.
4 Hikuva ndzi te: “Yehovha, ndzi kombe tintswalo.+
Ndzi horise+ hikuva ndzi ku dyoherile.”+
5 Kambe valala va mina va ndzi vulavula ku biha va ri:
“U ta fa rini leswaku hi ta rivala hi yena?”
6 Loko un’wana wa vona a ta ku ta ndzi vona, u vulavula mavunwa.
U fika a lava swo biha swo swi vula hi mina;Kutani a famba a ya swi hangalasa.
7 Hinkwavo lava ndzi vengaka va ndzi hleva;Va ndzi bohela makungu yo biha, va ri:
8 “U weriwe hi nchumu wo chavisa;Leswi a nga wa, a nge he pfuki.”+
9 Hambi munhu loyi a hi nga holovi, loyi a ndzi n’wi tshemba,+Loyi a a dya xinkwa xa mina u hundzuke nala wa mina.+
10 Kambe Yehovha Xikwembu xanga, ndzi kombe tintswalo, u ndzi pfuxa,Leswaku ndzi ta rihisela.
11 Leswi swi ta endla ndzi swi tiva leswaku wa ndzi tsakela:
Loko nala wa mina a nga huweleli a tsaka hileswi a ndzi hluleke.+
12 Loko ku ri mina, wa ndzi seketela hikuva ndzi tshembekile;+U ta ndzi veka emahlweni ka wena hilaha ku nga heriki.+
13 A ku dzunisiwe Yehovha Xikwembu xa IsrayeleHilaha ku nga heriki.+
Amen, Amen!
