Tipisalema 26:1-12

  • Ku tshembeka

    • “Yehovha Xikwembu xanga, ndzi kambisise” (2)

    • Ku papalata vanghana vo biha (4, 5)

    • ‘Ndzi ta rhendzeleka ealtarini ya Xikwembu’ (6)

Pisalema ya Davhida. 26  Ndzi avanyise, Yehovha Xikwembu xanga hikuva ndzi tshame ndzi tshembekile;+A ndzi tshikanga ku tshemba Yehovha.+   Yehovha Xikwembu xanga, ndzi kambisise u ndzi kambela;Basisa mianakanyo* ya mina ni mbilu ya mina.+   Hikuva ndzi tshamela ku anakanyisisa hi rirhandzu ra wena,Naswona ndzi famba endleleni ya wena yo lulama.+   A ndzi tshami ni vanhu lava kanganyisaka,+Naswona ndzi papalata vanhu lava fihlaka leswi va nga swona.*   Ndzi venga ku tshama ni vanhu vo biha,+A ndzi hungasi ni vanhu vo homboloka.+   Ndzi ta hlamba mavoko ndzi kombisa leswaku a ndzi na nandzu,Ndzi ta rhendzeleka ealtarini ya wena ndzi ku gandzela, Yehovha Xikwembu xanga,   Ndzi huwelela ndzi ku khensa,+Ni ku vula mitirho ya wena hinkwayo yo hlamarisa.   Yehovha, ndzi rhandza yindlu leyi u tshamaka eka yona,+Ndhawu leyi nga ni ku vangama ka wena.+   U nga ndzi lovisi ni vadyohi,+Kumbe u herisa vutomi bya mina ni vanhu va madzolonga,* 10  Lava mavoko ya vona ma endlaka manyala,Lava voko ra vona ra xinene ri rhandzaka ku xaviwa. 11  Kambe loko ku ri mina, ndzi ta tshama ndzi tshembekile. Ndzi ponise, u ndzi komba tintswalo. 12  Nenge wa mina wu yime endhawini leyi sirhelelekeke;+Ndzi ta dzunisa Yehovha enhlengeletanweni leyikulu.+

Tinhlamuselo ta le hansi

Hi Xiheveru, “tinso.”
Kumbe “A ndzi fambafambi ni vakanganyisi.”
Kumbe “ni vadlayi.”