Tipisalema 73:1-28

  • Munhu la rhandzaka Xikwembu a tlhelela eka xona

    • “A ku sele katsongo milenge ya mina yi hambukile” (2)

    • “A ndzi tshama ndzi karhatekile siku hinkwaro” (14)

    • ‘Kukondza ndzi nghena endhawini yo kwetsima ya Xikwembu’ (17)

    • Lavo homboloka va le ndhawini leyi rhetaka (18)

    • Ku tshinela eka Xikwembu i swinene (28)

Miloti ya Asafa.+ 73  Hakunene Xikwembu i xinene eka Israyele, eka lava nga ni timbilu leti baseke.+   Loko ku ri mina, a ku sele katsongo milenge ya mina yi hambukile;A ku sele katsongo milenge ya mina yi rhetile.+   Hikuva ndzi navele lava tikurisaka*Loko ndzi vona lavo homboloka va ri ni ku rhula.+   Hikuva a va twi ku vava loko va fa;Mimiri ya vona yi hanye kahle.*+   A va karhateki ku fana ni vanhu van’wana,+Kumbe va xaniseka ku fana ni vanhu van’wana.+   Hikwalaho, ku titlakusa i vuhlalu bya vona;+Madzolonga ma va funengeta ku fana ni xiambalo.   Rifuwo ra vona ri endla mahlo ya vona ma hlohlomuka;Va ni swo tala ku tlula leswi a va swi anakanya etimbilwini ta vona.   Va sandza van’wana ni ku vula swilo swo homboloka.+ Va tinyungubyisa hi ku xanisa van’wana.+   Va vulavula onge hiloko va tlakuke ku fana ni tilo,Ni ririmi ra vona ri vulavula leswi ri swi rhandzaka emisaveni. 10  Hikwalaho vanhu va xona va va landzelela,Naswona va nwa mati ya vona yo tala. 11  Va ri: “Xikwembu xi swi tivisa ku yini?+ Xana La Nge Henhlahenhla u ni vutivi?” 12  Lava hi lavo homboloka, lava swi va fambelaka kahle nkarhi hinkwawo.+ Va tshamela ku engetela rifuwo ra vona.+ 13  Kunene ndzi yi basisele swa hava mbilu ya minaNdzi tlhela ndzi hlamba mavoko hi ku pfumala nandzu.+ 14  A ndzi tshama ndzi karhatekile siku hinkwaro;+A ndzi tshinyiwa mixo wun’wana ni wun’wana.+ 15  Kambe loko a ndzi vule swilo leswi,A ndzi ta va ndzi xavise vanhu va wena. 16  Loko ndzi ringeta ku swi twisisaA swi ndzi karhata, 17  Kambe ndzi twisise vumundzuku bya vona,Loko ndzi nghene endhawini yo kwetsima ya Xikwembu. 18  U va veke endhawini leyi rhetaka.+ Leswaku va ta wa va lovisiwa.+ 19  Hi xitshuketa va lovisiwa!+ Va herisiwa hi ku copeta ka tihlo! 20  Yehovha Xikwembu xanga, u ta va rivala loko u pfuka,Ku fana ni norho lowu munhu a wu rivalaka loko a pfuka. 21  Kambe mbilu ya mina a yi karhatekile,+Naswona endzeni ka mina* a ndzi twa ku vava ngopfu. 22  A ndzi nga ehleketi naswona a ndzi nga twisisi nchumu;A ndzi fana ni xiharhi lexi nga ehleketiki emahlweni ka wena. 23  Kambe sweswi ndzi tshama ndzi ri na wena;U khome voko ra mina ra xinene.+ 24  Wa ndzi kongomisa hi xitsundzuxo xa wena,+Kutani endzhaku ka sweswo u ta ndzi komba musa.+ 25  Ndzi na mani etilweni loko ku nga ri wena? Ni laha misaveni ndzi tsakela wena ntsena.+ 26  Miri wa mina ni mbilu ya mina swi nga tsana,Kambe Xikwembu i ribye ra mbilu yanga ni ndzhaka ya mina hilaha ku nga heriki.+ 27  Entiyisweni, lava fambelaka ekule na wena va ta lova. U ta herisa* un’wana ni un’wana la nga tshembekiki* eka wena.+ 28  Kambe loko ku ri mina, ku tshinela eka Xikwembu i swinene eka mina.+ Ndzi endle Yehovha Hosi Leyi Tlakukeke a va vutumbelo bya mina,Leswaku ndzi vula mitirho ya wena hinkwayo.+

Tinhlamuselo ta le hansi

Kumbe “lava tibumaka.”
Kumbe “Makhwiri ya vona ma nonile.”
Hi Xiheveru, “etinsweni ta mina.”
Hi Xiheveru, “miyeta.”
Hi Xiheveru, “loyi a nga ni mahanyelo yo biha.”