Tipisalema 39:1-13
Eka mufambisi wa Yedutani.*+ Miloti ya Davhida.
39 Ndzi te: “Ndzi ta va ni vuxiyaxiyaLeswaku ndzi nga dyohi hi ririmi ra mina.+
Ndzi ta veka tomu enon’wini wa mina+Loko lowo homboloka a ha ri ekusuhi na mina.”
2 Ndzi miyele ndzi ku whii;+Ndzi miyerile hambiloko ku ri ni leswinene,Kambe switlhavi swa mina swi nyanyile.
3 Mbilu ya mina a yi hisa endzeni ka mina.
A ndzi twa ku hisa swinene loko ndzi ri karhi ndzi ehleketisisa.
Hiloko ndzi sungula ku vulavula ndzi ku:
4 “Yehovha Xikwembu xanga, ndzi pfune ndzi tiva leswaku ndzi ta helela kwihi,Ndzi tiva ni masiku ya mina,+Leswaku ndzi ta tiva ku leha ka vutomi bya mina.
5 Kunene, u endle masiku ya mina ma va matsongo;+Masiku ya vutomi bya mina a hi nchumu eka wena.+
Hakunene munhu un’wana ni un’wana, hambiloko o vonaka a sirhelelekile, a ngo va nchumu, wo fana ni moya.+ (Selah)
6 Kunene munhu un’wana ni un’wana u fambafamba ku fana ni ndzhuti.
U yingayingela swa hava.
U hlengeleta rifuwo, a nga swi tivi leswaku ri ta dyiwa hi mani.+
7 Yehovha, i yini lexi ndzi nga xi langutelaka?
Ntshembo wa mina hi wena ntsena.
8 Ndzi rivalele swidyoho swa mina hinkwaswo.+
U nga tshiki xiphukuphuku xi ndzi hleka.
9 Ndzi miyerile;A ndzi nga ta wu pfula nomu,+Hikuva hi wena u endleke leswi.+
10 Susa khombo ra wena eka mina.
Ndzi herile hikuva voko ra wena ra ndzi ba.
11 La nga ni xihoxo u n’wi tshinya hi ku n’wi xupula;+U herisa swilo leswi a swi rhandzaka onge hiloko swi dyiwe hi nsumba.
Hakunene munhu un’wana ni un’wana wo tifanela ni moya.+ (Selah)
12 Yehovha Xikwembu xanga, yingisa xikhongelo xa mina,Ndzi yingise loko ndzi kombela ku pfuniwa.+
U nga miyeli loko ndzi rila.
Hikuva ndzi fana ni muluveri eka wena,+Ndzi fana ni munhu la hundzaka hi ndlela, hilaha vakokwa wa mina hinkwavo a va ri hakona.+
13 U nga ndzi languti hi tihlo ro biha leswaku ndzi ta tsakaNdzi nga si fa kutani ndzi nga ha vi kona.”
Tinhlamuselo ta le hansi
^ Vona Tinhlamuselo.
