Tipisalema 74:1-23
Maskili* ya Asafa.+
74 Xikwembu xanga, hikwalaho ka yini u hi lahlele makumu?+
Hikwalaho ka yini u hlundzukele ntlhambi wa wena?+
2 Tsundzuka vanhu lava u nga va kuma khale swinene,+Rixaka leri u ri kutsuleke ri va ndzhaka ya wena.+
Tsundzuka Ntshava ya Siyoni, leyi u tshameke eka yona.+
3 Yana laha ku nga ta tshama ku ri marhumbi.+
Nala u onhe swilo hinkwaswo leswi nga endhawini yo kwetsima.+
4 Valala va wena va bongile laha u gandzeriwaka kona.+
Va yimise mijeko ya vona yi va mifungho kwalaho.
5 A va fana ni vanhu lava khomeke swihloka leswaku va tsema khwati ro tlhuma.
6 Va fayetele swifaniso hinkwaswo leswi khaviseke tempele+ hi swihloka ni hi tinsimbhi.
7 Va hise tempele ya wena.+
Va thyakise ni ku wisa tabernakela leyi vangamisaka vito ra wena.
8 Vona ni vana va vona va vule leswi etimbilwini ta vona:
“Tindhawu hinkwato leti ku gandzeriwaka Xikwembu eka tona etikweni ti fanele ti hisiwa.”
9 A ku na swikombiso leswi hi nga swi vonaka;A ka ha ri na muprofeta,Naswona a nga kona loyi a swi tivaka exikarhi ka hina leswaku swi ta va hi ndlela leyi ku fikela rini.
10 Xana nala u ta tshamela ku ku tlhontlha ku fikela rini, Xikwembu xanga?+
Xana nala u ta delela vito ra wena hilaha ku nga heriki?+
11 Hikwalaho ka yini u nga tirhisi voko ra wena, voko ra wena ra xinene?+
Ri tlakuse* u va herisa.
12 Kambe Xikwembu i Hosi ya mina ku sukela khale,Hi xona lexi ponisaka emisaveni.+
13 U dunge lwandle hi matimba ya wena;+U faye tinhloko ta swivandzana swa le lwandle ematini.
14 U pfotlose tinhloko ta Levhiyathani;*U yi nyika vanhu lava tshamaka emananga leswaku yi va swakudya swa vona.
15 U pfule swihlovo ni swinambyana;+U omise milambu leyi tshamaka yi khuluka.+
16 Hi wena u tumbuluxeke vusiku ni nhlikanhi.
U endle ku vonakala ni dyambu.+
17 U endle mindzilakana hinkwayo leyi nga emisaveni;+U endle ximumu ni xixika.+
18 Yehovha Xikwembu xanga, tsundzuka leswaku nala wa ku tlhontlha,Swiphukuphuku swi delela vito ra wena.+
19 U nga nyiki xiharhi vutomi bya gugurhwana* ra wena.
U nga pfuki u byi rivarile vutomi bya vanhu va wena lava xanisekaka.
20 Tsundzuka ntwanano,Hikuva tindhawu ta munyama leti nga emisaveni ti hundzuke tindhawu ta vanhu va madzolonga.
21 Loyi a xanisiwaka a nga tlheli a ri ni tingana;+Swisiwana a swi dzunise vito ra wena.+
22 Pfuka, Xikwembu xanga u lwela mhaka ya wena.
Tsundzuka ndlela leyi xihunguki xi tshamelaka ku ku tlhontlha ha yona siku hinkwaro.+
23 U nga swi rivali leswi valala va wena va swi vulaka.
Huwa ya lava ku xandzukelaka yi tshamela ku tlhandlukela etilweni.
Tinhlamuselo ta le hansi
^ Vona Tinhlamuselo.
^ Kumbe “Humesa voko exikhwameni.”
^ Vona Tinhlamuselo.
^ Ku nga muxaka wun’wana wa matuva lamatsongo.
