Ayezaya 39:1-8
-
Babelɔn soanvolɛma (1-8)
39 Mekɛ ne anu, Babelɔn Belemgbunli Mɛlodake-baladan, Baladan ara ne maanle bɛvale ngɛlata nee ahyɛlɛdeɛ bɛhɔmaanle Hɛzikaya,+ ɔluakɛ ɔdele kɛ ɔ nwo dole ye na yede kpɔkɛ.+
2 Hɛzikaya liele bɛ kɛnlɛma* na ɔvale ye sua nu anwonyia ɔhilele bɛ+—dwɛtɛ fufule, nvutuke, balesam nwole yɛɛ nwole gyɛne mɔɔ sonle bolɛ, ye akodeɛ muala yɛɛ debie biala mɔɔ wɔ ye ninyɛnezielɛ ɛleka ne la. Debie biala ɛnle Hɛzikaya sua nu* nee ye belemgbunlililɛ ne anu mɔɔ yeanva yeangile bɛ a.
3 Ɛhye anzi, ngapezonli Ayezaya rale Belemgbunli Hɛzikaya anwo ɛkɛ na ɔbizale ye kɛ: “Duzu edwɛkɛ a menli ɛhye mɔ hanle a, yɛɛ nienwu a bɛvi bɛrale a?” Ɔti Hɛzikaya hanle kɛ: “Bɛvi azɛlɛ bie mɔɔ wɔ moamoa la azo a bɛrale a, bɛvi Babelɔn.”+
4 Ɔbizale ye bieko kɛ: “Duzu a bɛnwunle ye wɔ wɔ sua nu* ɛke a?” Hɛzikaya buale kɛ: “Bɛnwunle debie biala mɔɔ wɔ me sua nu* ɛke la. Debie biala ɛnle me ninyɛnezielɛ ɛleka ne mɔɔ meanva meangile bɛ a.”
5 Akee Ayezaya zele Hɛzikaya kɛ: “Tie ɛlɔne Gyihova edwɛkɛ ne,
6 Gyihova se,+ ‘Nea! Mekɛ ɛlɛba mɔɔ bɛbazoa debie biala mɔɔ wɔ wɔ sua nu* nee debie biala mɔɔ wɔ nenyia mɔ ɛva ɛzie badwu ɛnɛ la bɛahɔ Babelɔn a. Bie ɛnrɛha.+
7 Na bɛbava ɛ mra mɔɔ ɛbawo bɛ la bie mɔ bɛahɔ na bɛayɛ suakunlu mgbanyima wɔ Babelɔn belemgbunli ne sua nu ɛkɛ.’”+
8 Na Hɛzikaya zele Ayezaya kɛ: “Gyihova edwɛkɛ ne mɔɔ wɔha la le kpalɛ.” Akee ɔhanle ɔdoale zo kɛ: “Ɔboalekɛ anzodwolɛ nee banebɔlɛ* badɛnla ɛkɛ wɔ me ngoane mekɛ nu.”+
Ɔbodwɛkɛ
^ Hibulu aneɛ nu, “anye liele bɛ nwo.”
^ Anzɛɛ “belemgbunli sua nu.”
^ Anzɛɛ “belemgbunli sua nu.”
^ Anzɛɛ “belemgbunli sua nu.”
^ Anzɛɛ “belemgbunli sua nu.”
^ Anzɛɛ “nɔhalɛlilɛ.”