Ayezaya 28:1-29

  • Yifelaem nzabovoma gyakɔ! (1-6)

  • Dwuda ɛsɔfoma nee ngapezoma totɔ (7-13)

  • “Yɛ nee Ewule ɛyɛ ngyekyeleɛ” (14-22)

    • Zayɔn adiabo mgbɛnezo bolɛ mɔɔ anwo hyia la (16)

    • Gyihova nwanwane gyima ne (21)

  • Kɛzi Gyihova tenrɛdenrɛ menli nrɛlɛbɛ nu la (23-29)

28  Yifelaem+ nzabovoma anwomemaazo* abotile* neNee ye anyunlunyia kɛnlɛma ne mɔɔ le kɛ ndotolo mɔɔ ɛlɛnwoso,Mɔɔ bɛva bɛzoa sua ne mɔɔ wɔ bɔnza ne mɔɔ kye aleɛ la ati zo la, ɛleka mɔɔ menli mɔɔ nwanye ɛgya bɛ de la gyakɔ!   Nea! Gyihova lɛ awie bie mɔɔ le katakyie na ɔ nwo yɛ se la. Ɔle kɛ ezulehululɛ nee ezuawolɛ, ahumu kpole mɔɔ sɛkye ninyɛne,Ɔle kɛ ahumu kpole mɔɔ maa azule yi bu aze la,Ɔbazuhu ye kpole yeado aze.   Bɛbatietia YifelaemNzabovoma anwomemaazo* abotile ne azo.+   Na ye anyunlunyia kɛnlɛma ne mɔɔ le kɛ ndotolo mɔɔ ɛlɛnwoso,Mɔɔ bɛva bɛzoa bɔnza ne mɔɔ kye aleɛ ati zo la,Bayɛ kɛ feege ma mɔɔ bolo kolaa na wawaa ara la. Saa awie nwu ye a, ɔte na ndɛndɛ ne ala ɔme.  Kenle zɔhane ɛlɔne Gyihova bayɛ kɛ anyunlunyia abotile nee ndotolo kyɛlɛ kɛnlɛma yeamaa ye menli ne mɔɔ ɛha la.+  Na ɔbayɛ pɛlepɛlelilɛ sunsum yeamaa awie mɔɔ bua ndɛne na yeayɛ anwosesebɛ yeamaa bɛdabɛ mɔɔ bɛfoa agbɔvolɛ wɔ anlenkɛ kpole ne anloa la.+   Nwanye ti menli ɛhye mɔ noko minli;Bɛ nza ne maa bɛtotɔ. Nza ti, ɛsɔfo nee ngapezonli minli;Nwanye maa bɛ nye zo ta bɛ,Na bɛ nza ne maa bɛtotɔ;Bɛ ɛnyelɛzodeɛnwunlɛ maa bɛminli,Na bɛnzi pi wɔ bɛ ndɛnebualɛ nu.+   Bɛ ɛkponle ne mɔ azo le ɛveleɛ nvoanvoa ngome—Ɛleka biala ɛnle ɛkɛ mɔɔ bie ɛnle a.   Nwane a awie bahile ye nrɛlɛbɛ,Yɛɛ nwane a awie bahilehile edwɛkɛ ne anu ahile ye a? Asoo bɛdabɛ mɔɔ bɔ zo mɔɔ bɛpɛ bɛ nyɛfonlɛ,Bɛdabɛ mɔɔ bɔ zo mɔɔ bɛde bɛ bɛvi nyɛfonlɛ nloa la ɔ? 10  Ɔluakɛ ɔle “mɛla mɛla, mɛla mɛla,Ɛzuzunyɛma ɛzuzunyɛma, ɛzuzunyɛma ɛzuzunyɛma,+Ɛke ekyi, nehane ekyi.” 11  Ɔti ɔbalua menli mɔɔ yi bɛlɛbɛlɛ nee aneɛ gyɛne zo yeadendɛ yeahile menli ɛhye mɔ.+ 12  Mekɛ bie ɔhanle ɔhilele bɛ kɛ: “Ɛke le ɛnwomenlelielɛ ɛleka. Bɛmaa mɔɔ ɛvɛ la ɛlie ɔ menle; ɛke le anwodɔlɛ ɛleka,” noko bɛandie.+ 13  Yemɔti Gyihova edwɛkɛ ne bayɛ bɛ nye zo: “Mɛla mɛla, mɛla mɛla,Ɛzuzunyɛma ɛzuzunyɛma, ɛzuzunyɛma ɛzuzunyɛma,+Ɛke ekyi, nehane ekyi.” Amaa bɛlɛtia a,Bɛatele bɛagua alɛnranyunluNa bɛabubu, bɛadɔ ɛhane nu na bɛahye bɛ.+ 14  Ɔti bɛmɛ adubɛnwoma, bɛdie Gyihova edwɛkɛ,Bɛmɛ mɔɔ bɛdi menli ɛhye mɔ anwo zo tumi wɔ Gyɛlusalɛm la, 15  Ɔluakɛ bɛka kɛ: “Yɛ nee Ewule ɛyɛ ngyekyeleɛ,+Yɛɛ yɛ nee Nla* ɛyɛ ngyehyɛleɛ.* Saa azuyilɛ ne ba a,Ɔnrɛha yɛ,Ɔluakɛ yɛva adalɛ yɛyɛ yɛ feabelɛYɛɛ adalɛ nu a yɛhɔvea a.”+ 16  Ɔti edwɛkɛ mɔɔ Tumivolɛ Awulae Gyihova ɛha la ɛne: “Melɛfa bolɛ bie mɔɔ bɛzɔ bɛnlea la meado adiabo wɔ Zayɔn,+Adiabo mɔɔ gyi kpundii+ la mgbɛnezo bolɛ mɔɔ anwo hyia la.+ Awie biala mɔɔ kɛnyia diedi wɔ nu la ahonle ɛnrɛdu.+ 17  Mebamaa pɛlepɛlelilɛ ayɛ ye ɛzuzunyɛma+Na tenleneyɛlɛ ayɛ ye ɛzuzudeɛ.+ Ezuawolɛ ne bakpoa adalɛ feabelɛ ne ahɔ,Na azule ne bayi ava ɛvealeka ne. 18  Ngyekyeleɛ mɔɔ bɛ nee Ewule ɛyɛ la bazɛkye,Yɛɛ ngyehyɛleɛ mɔɔ bɛ nee Nla* ɛyɛ la ɛnrɛgyinla.+ Saa azuyilɛ ne ba a,Ɔbapia bɛ yeahɔ. 19  Mekɛ biala mɔɔ ɔbabu yeava aze la,Ɔbapia bɛ yeahɔ;+Ɔluakɛ ɔbabu yeava aze nwonlomɔ biala,Alehyenlɛ nee aledwolɛ biala. Ɛzulolɛ ala a bamaa bɛade edwɛkɛ ne mɔɔ bɛde la abo a.”* 20  Ɔluakɛ ɛkpa ne le ezinra la ati, bɛngola bɛndenrɛ bɛ nwo,Yɛɛ ɛdanlɛ ne le ɛdenraa la ati, ɔnza bɛ nwo keda. 21  Gyihova bamaa ɔ nwo zo kɛ mɔɔ ɔyɛle ye wɔ Pɛleezem Boka ne azo la;Ɔbawoso ɔ nwo kɛ mɔɔ ɔyɛle ye wɔ bɔnza ne mɔɔ bikye Gebɛyɔn anu la,+Amaa yeala ye nyɛleɛ ne ali—ye nyɛleɛ ɛzulolɛ ne—Na yeayɛ ye gyima—ye nwanwane gyima ne.+ 22  Yemɔti bɛmmayɛ agolobɛnwo,+Amaa bɛammia nyɛma mɔɔ kyekye bɛ la anu,Ɔluakɛ mede kɛ Tumivolɛ Awulae, ɛlɔne GyihovaƐbɔ kpɔkɛ kɛ ɔsɛkye azɛlɛ ne amuala.+ 23  Bɛyɛ ɛnzolɛ bɛdie me ne;Bɛgyele bɛ nzo bɛdie mɔɔ meka la. 24  Asoo ɛyazonlɛnli fundu azɛlɛ alehyenlɛ muala kolaa na yealua ma ɔ? Asoo dahuu ɔfundu azɛlɛ na ɔsiezie zolɛ ɔ?+ 25  Saa ɔsiezie azɛlɛ ne ɔwie a,Asoo ɔmkponde kumin bile wɔ zo na ɔnlua kumin gyɛne,Asoo ɔnlua hwiiti, atoko yɛɛ baale wɔ ɛleka mɔɔ fɛta laNa ɔnlua hwiiti gyɛne*+ wɔ ɛweɛne ne azo ɔ? 26  Ɔluakɛ ɔkilehile* ye wɔ adenle kpalɛ zo;Ye Nyamenle ne kilehile ye.+ 27  Ɔluakɛ bɛnva ma ɛwosolɛ baka bɛnwoso kumin bile,+Yɛɛ bɛnva ehwili bɛnva kumin zo. Emomu, bɛfa baka a bɛkpolo kumin bile a,Yɛɛ kpɔma a bɛfa bɛkpolo kumin a. 28  Asoo awie gelegele ma mɔɔ bɛfa bɛyɛ paano la? Kyɛkyɛ, ɔnwoso ye dahuu;+Saa ɔfa ye ehwili ne mɔɔ mgbɔnwɔ twe ye la ɔfa zo a,Ɔngelegele ye.+ 29  Ɛhye noko vi ɛlɔne Gyihova,Mɔɔ ye folɛdulɛ* yɛ nwanwaneNa yeyɛ ninyɛne mgbole* la ɛkɛ.+

Ɔbodwɛkɛ

Anzɛɛ “adubɛnwo.”
Ɔbayɛ kɛ ɔfale suakpole Samɛlea anwo.
Anzɛɛ “adubɛnwo.”
Anzɛɛ “Sheol,” ɛhye kile, alesama nla. Nea Edwɛkɛbohilelɛ.
Anzɛɛ ɔkola ɔkile, “ɛnyia ɛnyelɛzodeɛnwunlɛ.”
Anzɛɛ “Sheol,” ɛhye kile, alesama nla. Nea Edwɛkɛbohilelɛ.
Anzɛɛ ɔkola ɔkile, “Saa bɛte ɔ bo a bɛ ahonle badu.”
Hibulu edwɛkɛkpɔkɛ ne kile hwiiti bie mɔɔ ɛnle kpalɛ mɔɔ ɛnee bɛdua ye wɔ tete Yigyibiti la.
Anzɛɛ “ɔtenrɛdenrɛ; ɔtea.”
Anzɛɛ “bodane.”
Anzɛɛ “Na ye nrɛlɛbɛ ne le kpole.”