Wulu kɔ nuhua edwɛkɛ ne azo

Wulu kɔ nuninyɛne ne azo

 KPUYA 6

Duzu A Baebolo Ne Hanle Ye Wɔ Mɛzaya Ne Anwo A?

NGAPEZO

“Wɔmɔ, O Bɛtelɛhɛm Ɛfelata, . . . wɔ nuhua a awie vi baragyinla me gyakɛ anu na yeayɛ Yizilayɛ tumivolɛ a.”

Maeka 5:2

KƐZI ƆRALE NU

“Mɔɔ bɛwole Gyisɛse wɔ Bɛtelɛhɛm mɔɔ wɔ Dwudiya wɔ Belemgbunli Hɛlɔdo mekɛ zo la, nea! nwɔlɔra neɛnleanuma bie vi Aduduleɛ rale Gyɛlusalɛm.”

Mateyu 2:1

NGAPEZO

“Bɛhyɛle me tɛladeɛ aguzo ne, na me tɛladeɛ ne mɔɔ vea ɔ bo la, bɛguale nwolɛ ma.”

Edwɛne 22:18

KƐZI ƆRALE NU

“Mekɛ mɔɔ sogyama ne bɔle Gyisɛse baka nu la, bɛvale ye tɛladeɛ aguzo ne na bɛhyɛle nuhua nna . . . Noko ɛnee tɛladeɛ ne mɔɔ vea ɔ bo la doa nuhua ko, bɛnwonle ye ɔvi anwuma badwu aze. Yemɔti bɛhanle bɛhilele bɛ nwo ngoko kɛ: ‘Bɛmmamaa yɛtete nu, bɛmaa yɛgua nwolɛ ma na yɛnlea mɔɔ ɔbayɛ ye ɛdeɛ la.’”

Dwɔn 19:23, 24

 NGAPEZO

“Ɔbɔ ye mbowule kɔsɔɔti anwo bane; ko bɔbɔ ɛmbu.”

Edwɛne 34:20

KƐZI ƆRALE NU

“Mɔɔ bɛdwule Gyisɛse anwo ɛkɛ la, bɛnwunle kɛ yewu dɛbadɛba yemɔti bɛambubu ɔ gyakɛ.”

Dwɔn 19:33

NGAPEZO

“Yɛ mɛladonlɛ ti a bɛbodɛbodale ye a.”

Ayezaya 53:5

KƐZI ƆRALE NU

“Sogyama ne mɔ ko vale atwɛ wɔle ɔ nvenle foa ko na ɛkɛ ne ala mogya nee nzule hwinle guale.”

Dwɔn 19:34

NGAPEZO

“Bɛvale dwɛtɛ fufule 30 bɛduale me kakɛ.”

Zɛkalaya 11:12, 13

KƐZI ƆRALE NU

“Akee Bulu Nee Nwiɔ ne anu ko mɔɔ bɛfɛlɛ ye Dwudase Yesekaleɔto la hɔle ɛsɔfo mgbanyinli ne mɔ ɛkɛ na ɔhanle kɛ: ‘Meye ye memaa bɛ a, duzu a bɛbava bɛamaa me a?’ Bɛyɛle kɛ bɛbamaa ye dwɛtɛ fufule 30.”

Mateyu 26:14, 15; 27:5