Wulu kɔ nuhua edwɛkɛ ne azo

DIEDI MAA YƐ NWO YƐ SE!

2021 Gyihova Alasevolɛ Nyianu

Yɛmaa wɔ anwosesebɛ kɛ ɛnlea kenle nsa nyianu mɔɔ Gyihova Alasevolɛ bayɛ ye ɛvolɛ ɛhye la. Ɔlua coronavirus (COVID-19) ewulenzane ne ati, bɛbava ɛvolɛ ɛhye nyianu gyimalilɛ ne bɛagua jw.org azo. Bɛbava foa ne mɔ bɛagua ɛkɛ ne ngyikyingyikyi wɔ July nee August anu.

NINYƐNE TITIILI

  • Yalɛ: Suzu deɛmɔti ndelebɛbo wɔ nu kɛ yɛbalie yɛali kɛ Nyamenle wɔ ɛkɛ, ye Edwɛkɛ ne le nɔhalɛ, nrɛlɛbɛ wɔ ye ɛbɛlabɔlɛ nwo ngyinlazo ne mɔ anu yɛɛ ɔkulo yɛ la anwo. Sukoa nwanwane ninyɛne mɔɔ Bɔvolɛ ne ɛbɔ wɔ ewiade ye anu mɔɔ bamaa diedi mɔɔ ɛlɛ ye wɔ ye ɛwɔkɛ ne mɔ anu amia la anwo debie.

  • Folɛ: Duzu ati a Gyihova Alasevolɛ kɔ zo bɔ edwɛkpa ne nolo a? Nea kɛzi bɛ edwɛkɛ ne ɛlɛboa menli mɔɔ bɛwɔ ewiade amuala la.

  • Molɛ: Duzu a le “edwɛkpa ne”? (Maake 1:14, 15) Yɛbahola yɛava yɛ nwo yɛado zo ɔ? Tie mualɛ ne mɔ wɔ ɛdendɛlɛ mɔɔ gyi Baebolo ne azo mɔɔ ɔ ti ne se, “Nyia Diedi Wɔ Edwɛkpa Ne Anu” la anu.

  • Baebolo Drama: Baebolo kengavoma anye die ngapezonli Daneɛle anwo edwɛkɛ mɔɔ wɔ Baebolo ne anu la anwo. Nea kɛzi ɔgyinlanle sɔnea nee agolobɛnwo nloa wɔ drama mɔɔ bɛhyɛ nu nwiɔ la anu wɔ Folɛ nee Molɛ.

BƐNDUA ƐHWEE