Ayezaya 8:1-22

  • Aseleanli ne ɛtetalɛ ne (1-8)

    • Meehɛ-hyɛlale-hahye-baze (1-4)

  • Bɛmmasulo—“Nyamenle nee yɛ de!” (9-17)

  • Ayezaya nee ɔ mra ne mɔ le kɛ sɛkɛlɛneɛ (18)

  • Bɛli mɛla ne anzi, tɛ sunsum ɛtane (19-22)

8  Gyihova zele me kɛ: “Fa bolɛ ɛdɛbaa kpole+ na fa pɛne* kɛlɛ zolɛ, ‘Meehɛ-hyɛlale-hahye-baze.’*  Na memaa alasevolɛ nɔhavoma, ɛsɔfo Yulaya+ nee Gyɛbɛlɛkaya ara Zɛkalaya ɛhɛlɛ ɛli nwolɛ daselɛ.”  Akee me nee ngapezonli raalɛ* ne lale,* na ɔnrenzɛle na nzinlii ɔwole ralɛ nrenyia.+ Akee Gyihova zele me kɛ: “To ye duma Meehɛ-hyɛlale-hahye-baze,  ɔluakɛ, kolaa na kakula ne ahola aha kɛ, ‘Me papa!’ nee ‘Me mame!’ la, ɛnee bɛzoa Damasekɛse anwonyia nee Samɛlea ninyɛne bɛhɔ Aselea belemgbunli ne anyunlu.”+  Gyihova dendɛle hilele me bieko kɛ:   “Kɛmɔ menli ɛhye mɔ ɛkpo Hyaelowa* azule ne mɔɔ se bɛtɛɛ+Na bɛ nye ɛlie Rilizen nee Relɛmalaya ara ne anwo la ati,+   Nea! Gyihova bava Azule* kpole bieMɔɔ nuhua nzule zonle la ara bɛ nwo zo,Aselea belemgbunli ne+ nee ye anyunlunyia ne amuala. Ɔbara bɛ azudenle kɔsɔɔti anwo zoNa yeayi yeabu aze   Ɔbaze yeahɔva Dwuda. Ɔbayi yeava ɛkɛ ne yeahɔdwu ɔ kɔme nu;+Ɔ ndɛba ne mɔɔ ɔbadɛlɛ nu la baheda wɔ azɛlɛ ne azo amuala,O Yemanoɛle!”*+   Bɛmɛ bɛyɛ amumuyɛ, noko bɛbatete bɛ nu nzokanzoka. Bɛmɛ mɔɔ bɛvi azɛlɛ ne ɛleka moamoa la kɔsɔɔti, bɛdie! Bɛziezie bɛ nwo bɛmaa konle, noko bɛbatete bɛ nu nzokanzoka!+ Bɛziezie bɛ nwo bɛmaa konle, noko bɛbatete bɛ nu nzokanzoka! 10  Bɛva adwenle, noko ɔbazɛkye! Bɛha mɔɔ bɛkulo la, noko ɔnrɛyɛ boɛ,Ɔluakɛ Nyamenle nee yɛ de!*+ 11  Mɔɔ Gyihova dendɛle hilele me la, ye tumi ne rale me nwo zo na ɔbɔle me kɔkɔ kɛ memmadua adenle mɔɔ menli ɛhye mɔ lua zo la azo: 12  “Mmafɛlɛ mɔɔ menli ɛhye fɛlɛ ye adwenlebɔlɛ la adwenlebɔlɛ! Mmasulo mɔɔ bɛsulo la;Mmamaa ɔmaa ɛ nwo woso wɔ. 13  Ɛlɔne Gyihova a le Awie mɔɔ ɔwɔ kɛ ɛbu ye nwuanzanwuanza a,+Ɔdaye a ɔle Awie mɔɔ ɔwɔ kɛ ɛsulo ye a,Na yemɔ a ɔle Awie mɔɔ ɔwɔ kɛ ɔmaa ɛ nwo woso wɔ a.”+ 14  Ɔbayɛ ɛleka nwuanzanwuanza,Noko ɔbayɛ bolɛ mɔɔ bɛbafofo zoNa yeayɛ azedolɛ bodane+Yeamaa Yizilayɛ mbusua nwiɔ ne,Na yeayɛ ɛhaneYeamaa Gyɛlusalɛmma. 15  Bɛ nuhua dɔɔnwo batele na bɛadɔ aze na bɛabubu;Bɛbazua bɛ ɛhane na bɛahye bɛ. 16  Kyekye daselɛlilɛ ne anwo;Sɔ mɛla* ne anloa wɔ me ɛdoavolɛma ne anu! 17  Mebahendɛ Gyihova+ mɔɔ ɛye ɔ nye ɛvea Gyekɔbo abozoamra la,+ na meanyia anyelazo wɔ ye nu. 18  Nea! Me nee ngakula mɔɔ Gyihova ɛva bɛ ɛmaa me la,+ yɛle kɛ sɛkɛlɛneɛ+ yɛɛ nwanwane debie wɔ Yizilayɛ, ɛlɔne Gyihova mɔɔ de Zayɔn Boka ne azo la a ɛmaa yeyɛ zɔ a. 19  Na saa bɛka bɛkile bɛ kɛ: “Bɛhɔbiza menli mɔɔ tendɛ sunsum ɛtane nloa azo anzɛɛ menli mɔɔ ka kenle bie edwɛkɛ na bɛtendɛ bɛ nzo abo kɛ nloma mɔɔ ɛlɛsu la edwɛkɛ a,” asoo tɛ menli ne Nyamenle ne ɛkɛ a ɔwɔ kɛ bɛbiza edwɛkɛ a? Asoo ɔwɔ kɛ bɛbiza anyewɔzoamra anwo edwɛkɛ wɔ mowuamra ɛkɛ ɔ?+ 20  Emomu, ɔwɔ kɛ bɛdi mɛla ne nee daselɛlilɛ ne anzi! Saa bɛanga ye kɛ mɔɔ edwɛkɛ ɛhye kile la a, bɛnrɛnyia wienyi.*+ 21  Na bɛ nuhua ko biala bava arɛlebɔlɛ nee ɛhɔne alua azɛlɛ ne azo;+ na kɛmɔ ɛhɔne ɛlɛku ye na yeva ɛya la ati, ɔbawa ye belemgbunli ne nee ye Nyamenle ne amonle wɔ mekɛ mɔɔ ɔlɛnea anwomanyunlu la. 22  Akee ɔbanlea aze na mɔɔ ɔbanwu ye la ala a le abodelɛ nee awozinli, ngyegyelɛ nee anwongyelelɛ, awozinli kabii mɔɔ ɔnnwu wienyi biala a.

Ɔbodwɛkɛ

Hibulu aneɛ nu, “dasanli pɛne.”
Ɔkola ɔkile “Bɛbara Ndɛndɛ Bɛarave Bɛ Ninyɛne.”
Ɛhye kile, Ayezaya aye ne.
Hibulu aneɛ nu, “mengɔle ngapezonli raalɛ ne anwo.”
Ɛnee Hyaelowa le azudenle.
Ɛhye kile, Yufileti ne.
Hubulu nu, “Nyamenle nee yɛ de” a le Yemanoɛle. Nea Aye 7:14; 8:8.
Anzɛɛ “adehilelɛ.”
Hibulu aneɛ nu, “aleɛ ɛnrɛhye bɛ.”