Ayezaya 46:1-13
46 Bɛle kpo ye nu,+ Nibo butu.
Nane mɔɔ soa ninyɛne la zo bɛ ananze ne mɔ,+Kɛ bɔlɛ mɔɔ ɛyɛ adesoa ɛmaa nane ne mɔ mɔɔ ɛwie fɛ la.
2 Bɛbutu na bɛka bɛ nwo aze;Bɛngola bɛnlie adesoa ne,*Yɛɛ bɛdabɛ mumua ne bɛkɔ* akɛlɛzonlenlɛ nu.
3 “O Gyekɔbo abozoamra nee Yizilayɛma mɔɔ ɛha la amuala, bɛdie me,+Bɛmɛ mɔɔ meboa bɛ ɔvi bɛ awolɛ nu na mevia bɛ ɔvi ɛkolɛ nu la.+
4 Kɔkpula kɛ bɛbayɛ mgbanyinli la, kɛ mede ala ɛne;+Kɔkpula kɛ bɛ ti zo bayɛ egyɛne la, mebahɔ zo meadwu bɛ.
Kɛ mɔɔ meyɛ ye ala la, mebavia bɛ, meadwu bɛ na mealie bɛ.+
5 Nwane a bɛbava me bɛatoto ɔ nwo na ɔ nee me azɛ a?+Nwane a bɛbava ye bɛatoto me nwo amaa yɛazɔho yɛ nwo a?+
6 Menli ne bie mɔ ye nvutuke wɔ bɛ ezukoa kodoku nu;Bɛsuzu dwɛtɛ fufule ne wɔ tone zo.
Bɛbɔ mbulalɛ dwinvolɛ ɛkpa na ɔfa ɔyɛ nyamenle.+
Akee bɛtu bɛgua ɔ nyunlu bɛsonle ye.*+
7 Bɛmaa ye zo bɛto bɛ kɔme zo;+Bɛsoa bɛkɔsie ɔ bo zo ne na ɔgyinla ɛkɛ ne ala.
Ɔndu ɔ bo ɔnvi ɔ bo zo ne.+
Bɛsu bɛfɛlɛ ye, noko ɔnlie zolɛ;Ɔngola ɔnlie awie ɔnvi anwongyelelɛ nu.+
8 Bɛhakye ɛhye na bɛnyia akɛnrasesebɛ.
Bɛmɛ mɛladonlɛma, bɛva bɛzie bɛ ahonle nu.
9 Bɛhakye mɔmoane* ninyɛne dɛba ne mɔ,Kɛ medame a mele Nyamenle* a, na awie bieko ɛnle ɛkɛ.
Medame a mele Nyamenle a, na awie bieko ɛnle ɛkɛ mɔɔ le kɛ medame a.+
10 Medame a mɔlebɛbo ne meka mɔɔ bazi kenle bie,Na meka ninyɛne mɔɔ ɛtɛsisile la meto ɛkɛ mekɛ tendenle a.+
Meka kɛ, ‘Me kpɔkɛbɔlɛ* bagyinla,+Yɛɛ mebayɛ debie biala mɔɔ mekulo la.’+
11 Melɛfɛlɛ kɔleɛ meavi aduduleɛ,+Melɛfɛlɛ awie meavi moamoa meamaa yeali me kpɔkɛbɔlɛ* nwo gyima.+
Meha na mebamaa yeayɛ zɔ.
Mebɔ nwolɛ kpɔkɛ, yɛɛ mebayɛ noko.+
12 Bɛmɛ mɔɔ bɛ ahonle ɛsolo,*Bɛmɛ mɔɔ bɛ nee tenleneyɛlɛ avinli wale la, bɛdie me.
13 Memaa me tenleneyɛlɛ ne ɛbikye;Ɔnle moa,Yɛɛ me ngoanelielɛ ɛnrɛha amozi.+
Mebamaa Zayɔn anyia ngoanelielɛ, na Yizilayɛ anyia me anyunlunyia ne.”+
Ɔbodwɛkɛ
^ Ɛhye kile, ananze ne mɔ mɔɔ bɛva bɛzoa nane ne mɔ la.
^ Anzɛɛ “bɛ ɛkɛla kɔ.”
^ Hibulu aneɛ nu, “bɛbɔ bɛ ti aze bɛmaa ye.”
^ Hibulu aneɛ nu, “alimoa.”
^ Anzɛɛ “Tumivolɛ Bedevinli ne.”
^ Anzɛɛ “bodane; folɛdulɛ.”
^ Anzɛɛ “bodane; folɛdulɛ.”
^ Hibulu aneɛ nu, “yɛ se.”
