Ayezaya 56:1-12

  • Nyɛvolɛ nee mrenyia mɔɔ bɛza bɛ la banyia nyilalɛ (1-8)

    • Menli kɔsɔɔti asɔneyɛlɛ sua (7)

  • Sinzavolɛma mɔɔ anye ɛzi, ahwea mumule (9-12)

56  Edwɛkɛ mɔɔ Gyihova ɛha la ɛne: “Bɛli pɛlepɛle+ na bɛyɛ mɔɔ tenrɛ la,Ɔluakɛ ɔnrɛhyɛ na me ngoanelielɛ ne araNa me tenleneyɛlɛ ne ala ali.+   Anyelielɛ a le sonla mɔɔ yɛ ɛhyeYɛɛ dasanli mɔɔ sɔ nu ɛsesebɛ,Mɔɔ di Ɛnwomenlelielɛ kenle ne na ɔngua nwolɛ evinli+Na ɔtwe ɔ sa ɔfi ɛtaneyɛlɛ biala anwo la.   Ɛyɛvolɛ mɔɔ kɛva ɔ nwo kɛbeta Gyihova+ la mmaka kɛ,‘Kɛ ɔde biala la, Gyihova baye me avi ye menli ne avinli.’ Yɛɛ nrenyia mɔɔ bɛza ye la mmaka kɛ, ‘Nea! Mele baka wulera.’”  Ɔluakɛ edwɛkɛ mɔɔ Gyihova ɛha ɛhile mrenyia mɔɔ bɛza bɛ mɔɔ bɛdi me ɛnwomenlelielɛ kenle ne na bɛyɛ mɔɔ mekulo na bɛsɔ me ngyekyeleɛ ne anu ɛsesebɛ la ɛne:   “Mebamaa bɛ ngakyedeɛ nee duma wɔ me sua nu nee me bane ne mɔ anu,Debie kpalɛ mɔɔ tɛla mralɛ mrenyia nee mralɛ mraalɛ. Mebamaa bɛ duma mɔɔ badɛnla ɛkɛ ne dahuuMɔɔ ɛnrɛminli ɛlɛ la.   Na nyɛvolɛ mɔɔ kɛva bɛ nwo kɛbeta Gyihova kɛ bɛsonle ye,Bɛahulo Gyihova duma+Na bɛayɛ ye azonvolɛ la,Menli kɔsɔɔti mɔɔ di Ɛnwomenlelielɛ kenle ne na bɛngua nwolɛ evinliNa bɛsɔ me ngyekyeleɛ ne anu ɛsesebɛ la,   Medame noko mebava bɛ meahɔ me boka nwuanzanwuanza ne azo+Na meamaa bɛali fɛlɛko wɔ me asɔneyɛlɛ sua ne anu. Mebalie bɛ ɛyelalɛ afɔlebɔdeɛ nee bɛ afɔlebɔlɛ ne mɔ meado nu wɔ me afɔlemokyea ne azo. Ɔluakɛ bɛbavɛlɛ me sua ne menli kɔsɔɔti asɔneyɛlɛ sua.”+  Tumivolɛ Awulae Gyihova mɔɔ ɛlɛboɔboa Yizilayɛma mɔɔ ɛbɔ asande anloa+ la kɛ se la ɛne: “Mebaboɔboa menli gyɛne anloa meaboka menli mɔɔ bɛlimoale bɛboɔboale bɛ nloa la anwo meamaa ye.”+   Bɛmɛ ɛbɔ nu nane kɔsɔɔti,Bɛmɛ kpɔkɛ nu nane kɔsɔɔti, bɛrali debie.+ 10  Ye sinzavolɛma anye ɛzi,+ bɛ nuhua biala ɛnyɛ debie nzonlɛ.+ Bɛ muala bɛle ahwea mumule, bɛngola kpo.+ Bɛdeda bɛlɛdie ɛnwomenle mgbole; bɛkulo ngɔsɔkɛ ɛbɔlɛ. 11  Bɛle ahwea adidikpoku;*Bɛ ko ɛnyi ɛlɛ. Bɛle mboaneneavolɛma mɔɔ ɛnlɛ ndelebɛbo.+ Bɛ nuhua ko biala ɛva ye adenle ɛdeɛ zo;Bɛ nuhua ko biala kpondɛ nvasoɛ ɛtane na ɔka kɛ: 12  “Bɛrɛla, bɛmaa menva nwanye membɛla,Na bɛmaa yɛnlo too yɛbo.+ Na ɛhyema bayɛ kɛ ɛnɛ ala la, ɔbayɛ kpole yeabo zo!”

Ɔbodwɛkɛ

Anzɛɛ “ahwea mɔɔ bɛ ɛkɛla nwo yɛ se.”