Ayezaya 31:1-9

  • Moalɛ kpalɛ ne vi Nyamenle, na tɛ alesama (1-9)

    • Yigyibiti mgbɔnwɔ ne mɔ le nwonane (3)

31  Bɛdabɛ mɔɔ bɛkɔkpondɛ moalɛ wɔ Yigyibiti la, bɛ gyakɔ,+Bɛfa bɛ nwo bɛto mgbɔnwɔ zo,+Bɛfa bɛ rɛle bɛwula konle ehwili nu ɔluakɛ bɛzonle,Yɛɛ bɛfa bɛ rɛle bɛwula menli mɔɔ ka mgbɔnwɔ la anu ɔluakɛ bɛ nwo yɛ se. Noko bɛnva bɛ nwo bɛndo Yizilayɛ Nwuanzanwuanza Ko ne anwo zo,Yɛɛ bɛmkpondɛ Gyihova.   Noko eza ɔze nrɛlɛbɛ yɛɛ ɔbamaa bɛanwu amaneɛ,Na ɔnrɛhwe ye edwɛkɛ ɔnrɛzia. Ɔbadwazo yeatia amumuyɛmaNee bɛdabɛ mɔɔ bɛboa ɛtanevolɛma la.+   Yigyibitima le menli, bɛnle Nyamenle;Bɛ mgbɔnwɔ ne mɔ le nwonane, bɛnle sunsum.+ Saa Gyihova tende ɔ sa a,Boavolɛ biala batele adɔYɛɛ awie biala mɔɔ bɛboa ye la badɔ aze;Bɛ muala bɛbaminli mekɛ ko ne ala.   Ɔluakɛ edwɛkɛ mɔɔ Gyihova ɛha ɛhile me la ɛne: “Kɛ mɔɔ awenade, awenade kakula mɔɔ anwo yɛ se kulu wɔ mekɛ mɔɔ ɔkɛhye nane,Na bɛboɔboa mboaneneavolɛma dɔɔnwo anloa bɛba ɔ nwo zo a,Bɛ ne ɛmmaa ye ahonle ɛnduAnzɛɛ bɛ ɛdeɛdeanlɛ ne ɛmkputi ye ahonle la,Zɔhane ala a ɛlɔne Gyihova barahoAmaa Zayɔn Boka ne nee ye boka ekyi ne a.   Ɛlɔne Gyihova bayɛ kɛ nloma mɔɔ ɛdu faa la na yeaho yeamaa Gyɛlusalɛm.+ Ɔbaho yeamaa ye na yealie ye. Ɔbagyakyi ye na yealie ye.”  “O Yizilayɛma, bɛzia bɛrɛla Ahenle mɔɔ bɛde ɔ nwo atua bɔkɔɔ la ɛkɛ.+  Ɔluakɛ kenle zɔhane, awie biala bakpo ye dwɛtɛ fufule nyamenle nee ye nvutuke nyamenle ne mɔ mɔɔ nvasoɛ ɛnle bɛ nwo zo mɔɔ bɛdabɛ mumua ne bɛva bɛ sa bɛyɛ na bɛyɛ ɛtane la.   Na Aseleanli ne badɔ dadeɛ mɔɔ ɛnle sonla ɛdeɛ la anloa;Yɛɛ dadeɛ mɔɔ ɛnle dasanli ɛdeɛ la bazɛkye ye.+ Dadeɛ ne ati ɔbanriandi,Na bɛbamaa ye mgbavolɛ ne mɔ ayɛ akɛlɛ gyima.   Ɛzulolɛ ti ye bodane ne bapɛ nu ahɔ,Yɛɛ sɛkɛlɛneɛ baka ne ati ye mgbanyima ahonle badu,” kɛ Gyihova,Mɔɔ ye wienyi* ne wɔ Zayɔn na ye fonlomo ne wɔ Gyɛlusalɛm la se la ɛne.

Ɔbodwɛkɛ

Anzɛɛ “senle.”