Ayezaya 15:1-9
-
Nrɛlaleɛ mɔɔ tia Mowabe (1-9)
15 Nrɛlaleɛ mɔɔ tia Mowabe la ɛne:+
Kɛmɔ bɛzɛkye ye wɔ nɔɔzo ko anu la ati,Aale+ mɔɔ wɔ Mowabe la ɛyɛ koonwu.
Kɛmɔ bɛzɛkye ye wɔ nɔɔzo ko anu la ati,Kɛɛ+ mɔɔ wɔ Mowabe la ɛyɛ koonwu.
2 Yehɔ Ɛzonlenlɛsua ne anu nee Daebɔn,+Yehɔ ɛzonlenlɛ ɛleka ne kɛ ɔkazu.
Mowabe ɛlɛsu aye Nibo+ nee Mɛdeba anwo awolɛ.+
Awie biala ɛkpa ɔ ti,+ awie biala ɛkpa ɔ kɛsa.+
3 Bɛheda ɛrele wɔ ye awɔdenle ne mɔ azo.
Bɛ muala bɛsu bɛye awolɛ wɔ bɛ azua ti zo nee bɛ gua ne mɔ azo;Bɛfa ɛzunlɛ a bɛdwu aze a.+
4 Hɛhyebɔn nee Ɛleyela+ ɛlɛteɛdea nu;Bɛte bɛ ne wɔ Gyeehaze+ nehane.
Ɛhye ati a Mowabe sogyama teɛdea nu la.
Ɔ* nwo ɛlɛwoso ye.
5 Me ahonle di Mowabe anwo nyane.
Ye menli mɔɔ ɛlɛnriandi la ɛhɔ too ɛhɔdwu Zowaa+ nee Ɛgelate-hyɛlehyaya.+
Bɛfa ɛzunlɛ bɛfo Luhete boka ne;Bɛlua Holoneeyem adenle zo a, bɛsu ɛzɛkyelɛ ne anwo.+
6 Ɔluakɛ Nemelem azule ne mɔ ɛsesa;Ndile amolɛ ne mɔ ɛwe,Ndile ne ɛyela na ndile amolɛ biala ɛnle ɛkɛ.
7 Ɛhye ati a bɛlɛsoa bɛ ninyɛne mɔɔ bɛva bɛzie nee bɛ anwonyiaBɛahɔpɛ pɔpola mbaka bɔnza* ne la.
8 Bɛte ɛzunlɛ ne wɔ Mowabe azɛlɛ zo amuala.+
Awolɛyelɛ ne ɛdwu Ɛgeleeyem;Awolɛyelɛ ne ɛdwu Biyɛ-yilem.
9 Ɔluakɛ Daemɔn azule ne mɔ ɛyɛ mogya ngome,Yɛɛ mebava ninyɛne dɔɔnwo meara Daemɔn anwo zo:
Awenade bahɔ Mowabe menli mɔɔ ɛlɛnriandiNee bɛdabɛ mɔɔ bɛbaha azɛlɛ ne azo la anwo zo.+
