Wulu kɔ nuhua edwɛkɛ ne azo

Wulu kɔ nuninyɛne ne azo

 KPUYA 5

Duzu Edwɛkɛ A Wɔ Baebolo Ne Anu A?

“Mebava ɛkpɔlɛ meado ɛdawɔ nee raalɛ ne, yɛɛ ɛ ra nee raalɛ ne ara avinli. Ɔbabɛtɛ ɛ ti na wɔaha ɔ gyakɛ anzi.”

Gyɛnɛsese 3:15

“Ɔlua ɛ ra ne anwo zo, azɛlɛ ne azo maanle maanle kɔsɔɔti banyia nyilalɛ, ɔluakɛ wɔdie me ne.”

Gyɛnɛsese 22:18

“Wɔ Belemgbunlililɛ ɛrɛla. Wɔ ɛhulolɛdeɛ ɛyɛ ɛkɛ wɔ azɛlɛ ye azo kɛ anwuma la.”

Mateyu 6:10

“Ɔluakɛ ɔnrɛhyɛ biala Nyamenle mɔɔ maa anzodwolɛ la babɛtɛ Seetan wɔ bɛ gyakɛ abo.”

Wulomuma 16:20

“Saa bɛfa ninyɛne kɔsɔɔti bɛwula ɔ gyakɛ abo a, akee Ralɛ mumua ne noko bava ɔ nwo awula Mɔɔ vale ninyɛne kɔsɔɔti wulale ɔ gyakɛ abo la abo, na Nyamenle ali ninyɛne kɔsɔɔti azo tumi.”

1 Kɔlentema 15:28

 “Ebileham nee ɔ ra ne a bɛbɔle bɛ ɛwɔkɛ a . . . , yemɔ a le Kelaese. Bieko, saa bɛle Kelaese ɛdeɛ a, ɛnee amgba bɛle Ebileham abozoamra.”

Galeehyeama 3:16, 29

“Ewiade belemgbunlililɛ ne ɛyɛ yɛ Awulae nee ye Kelaese ne Belemgbunlililɛ, na ɔbali belemgbunli dahuu.”

Yekile 11:15

“Yemɔti bɛvuandinle ɛwɔlɛ kpole ne bɛdole aze, mɔmoane ɛwɔlɛ ne mɔɔ bɛfɛlɛ ye Abɔnsam nee Seetan, mɔɔ ɛlɛbɛlɛbɛla azɛlɛ ye azo amra amuala la; bɛvuandinle ye bɛdole azɛlɛ ye azo, na bɛvuandinle ye anwumabɔvolɛ ne mɔ bɛbokale ɔ nwo bɛguale aze.”

Yekile 12:9

“Ɔhyele ɛwɔlɛ ne, mɔmoane ɛwɔlɛ ne, mɔɔ yemɔ a le Abɔnsam nee Seetan la, na ɔkyekyele ye ɛvolɛ 1,000.”

Yekile 20:2