Ayezaya 34:1-17

  • Gyihova bali maanle maanle ne mɔ nzenralɛ (1-4)

  • Bɛbazɛkye Yidɔm (5-17)

34  Bɛmɛ maanle maanle, bɛbikye na bɛdie,Bɛmɛ menli, bɛyɛ ɛnzolɛ bɛdie. Bɛmaa azɛlɛ nee debie biala mɔɔ ɛyi zolɛ la ɛdie,Azɛlɛ ne nee debie biala mɔɔ wɔ zo la.   Ɔluakɛ Gyihova ɛva maanle maanle kɔsɔɔti anwo ɛya,+Na ye ɛya kpole ne wɔ bɛ ɛlɔne ne kɔsɔɔti anwo zo.+ Ɔbazɛkye bɛ;Ɔbamaa bɛahu bɛ.+   Bɛbavuandi bɛ menli mɔɔ bɛhu bɛ la bɛagua bɛ lɔ,Na bɛ avunli babɔ nvoanvoa ahɔ anwuma;+Bɛ mogya ne ati, awoka ne mɔ baholo.*+   Anwuma ɛlɔne ne mɔ amuala bakpɔlɔ,Na bɛbabobɔ anwuma kɛ nwomamobɔleɛ la. Bɛ ɛlɔne ne amuala banwoso na bɛakpolo bɛagua,Kɛ mɔɔ nya mɔɔ ɛnwoso la vi vanye baka zo tɔ azeNa feege mɔɔ ɛnwoso la vi feege baka zo tɔ aze la.   “Ɔluakɛ me konle dadeɛ ne anwo baloa wɔ anwuma lɔ.+ Ɔbadwu yeara Yidɔm anwo zo wɔ ndɛnebualɛ nu,+Ɔbara menli mɔɔ mebɔ kpɔkɛ kɛ mesɛkye bɛ la anwo zo.   Gyihova lɛ konle dadeɛ; mogya babia ye takaa. Ɛnlome bayɛ nwolɛ sofuaa,+Mboane mralɛ nyinli nee mbɔnkye mogya,Mboane nyinli kilenzia nwo ɛnlome. Gyihova babɔ afɔle bie wɔ Bɔzela,Ɔbahu menli dɔɔnwo wɔ Yidɔm azɛlɛ zo.+   Ɛbɔ nu nlankɛ nee bɛ bawu,Nlankɛ mralɛ nee mgbole. Bɛ azɛlɛ ne azo bayɛ mogya ngome,Na bɛ ndɛtɛlɛ ne ayɛ ɛnlome sofuaa.”   Ɔluakɛ Gyihova lɛ nzenralɛlilɛ kenle,+Anzohwenlɛ ɛvolɛ mɔɔ ɔbava yeali Zayɔn edwɛkɛ yeamaa ye la.+   Ye* azudenle ne mɔ bahakyi bilewu,Ye ndɛtɛlɛ bahakyi sɔlefa,Na ye azɛlɛ ne bayɛ kɛ bilewu mɔɔ ɛlɛsɔ la. 10  Alehyenlɛ nee aledwolɛ muala bɛnrɛlua ye;Ye esike ne bavo ahɔ anwuma dahuu. Ɔbadɔ mgbane ɔvi awolɛndoazo kɔdwu awolɛndoazo;Awie biala ɛnrɛpɛ nu wɔ ɛkɛ ne ɛlɛ.+ 11  Azule nloa bɔngɔbɔngɔ nee fuke bava ɛkɛ ne ayɛ bɛ ɛdeɛ,Kpadule nee ahɔhɔsɛlɛ badɛnla zolɛ. Nyamenle bava ɛzuzunyɛma nee ɛzuzudeɛ bolɛ yeado nwo yeazuzuYeahile kɛ ɔbadɔ mgbane na yeazɛkye. 12  Bɛnrɛmaa ye menli titili ne mɔ bie ɛnrɛyɛ belemgbunli,Yɛɛ ye mgbanyima kɔsɔɔti bayɛ mgbane. 13  Mbowule bafifi ye tawa mgbole ne mɔ anu,Ndile nee mbowunyɛma bafifi ye aranemgbole ne mɔ anu. Ɔbayɛ ɛzonlɛ dabelɛ,+Nee soholo tɛnlabelɛ. 14  Ɛsɛlɛ zo nane nee nane mɔɔ kpo la bayia ɛkɛ,Yɛɛ ɛbɔ nu abɔnkye* bazu avɛlɛ ɔ gɔnwo wɔ ɛkɛ. Ɛhɛe, aloma mɔɔ didi nɔɔzo la badɛnla ɛkɛ na yealie ɔ menle wɔ ɛkɛ. 15  Ɛwɔlɛ bayɛ ye sane wɔ ɛkɛ na yeado aholonvia,Ɔbabobɔ na yeali bɛ adane wɔ ɛkɛ. Ɛhɛe, sianza baboɔboa bɛ nloa wɔ ɛkɛ, biala nyinli nee belɛ. 16  Bɛnleɛnlea Gyihova buluku ne anu na bɛgenga ye kpole: Bɛ nuhua ko bɔbɔ ɛnrɛminli;Biala ɛnrɛhyia nyinli anzɛɛ belɛ,Ɔluakɛ Gyihova anloa edwɛkɛ ɔ,Yɛɛ ye sunsum ne a ɛboɔboa bɛ nloa a. 17  Ɔdaye a yegua ma* yemaa bɛ a,Yɛɛ yeva ɔ sa yezuzu ɛleka yemaa bɛ.* Ɔbayɛ bɛ ɛdeɛ dahuu;Bɛbadɛnla ɛkɛ ne wɔ awolɛndoazo kɔsɔɔti anu.

Ɔbodwɛkɛ

Anzɛɛ “Bɛ mogya ne bazonyi avi awoka ne mɔ azo.”
Ɔda ali kɛ ɔfale Yidɔm suakpole Bɔzela anwo.
Anzɛɛ ɔkola ɔkile, “Yɛɛ sunsum ɛtane mɔɔ le kɛ abɔnkye la.”
Hibulu aneɛ nu, “yeva ɛzuzunyɛma yehyɛ yemaa bɛ.”