Ayezaya 29:1-24
29 “Aleɛle,* Aleɛle, suakpole ne mɔɔ Devidi zokoɛle ɛkɛ la gyakɔ!+
Bɛhɔ zo ɛvolɛ biala;Bɛmaa ɛvolɛ ɛvolɛ ɛvoyialilɛ ne+ ɛhɔ zo.
2 Noko mebamaa Aleɛle anwu amaneɛ,+Na ɔbazu yeaye awolɛ,+Na ɔbayɛ me nye zo kɛ Nyamenle afɔlemokyea la.+
3 Mebabɛnga wɔ meayia,Mebalie bane ndendenle meabɛnga wɔ meayiaNa measisi tawa meabɛnga wɔ meayia.+
4 Bɛbaha wɔ aze;Ɛbadendɛ wɔavi azɛlɛ nwo,Na ndɛtɛlɛ ne ɛnrɛmaa bɛnrɛde mɔɔ ɛbaha la.
Ɛ ne bavi azɛlɛ nwo ara+Kɛ awie mɔɔ tendɛ sunsum ɛtane nloa azo la ane,Na wɔ edwɛkɛ bayɛ kɛ aloma ɛzunlɛ wɔ ndɛtɛlɛ ne anu.
5 Wɔ agbɔvolɛ* dɔɔnwo ne bayɛ kɛ munlutu,+Yɛɛ atisesebɛma dɔɔnwo ne bayɛ kɛ abonle mɔɔ anwoma ɛlɛbɔ ye ahɔ la.+
Na ɔbara arɛlevilɛ nu, ɛkɛ ne ala.+
6 Ɛlɔne Gyihova bahakyi ɔ nye wɔ ɛ nwo zoNa yeava ezulehululɛ nee azɛlɛkpusulɛ yɛɛ ɛnelɛ kpole,Ahumu nee ahumuakyima yɛɛ sendɔlɔra yealie wɔ.”+
7 Akee maanle maanle ne anu amra kɔsɔɔti mɔɔ bɛlɛko bɛatia Aleɛle+—Bɛdabɛ mɔɔ bɛlɛko bɛatia ye la kɔsɔɔti,Tawa mɔɔ bɛsisi bɛbɛnga ye bɛyia,Yɛɛ bɛdabɛ mɔɔ bɛlɛmaa yeanwu amaneɛ la—Bayɛ kɛ ɛlalɛ, nɔɔzo ɛnyelɛzodeɛnwunlɛ bie la.
8 Ɔbayɛ kɛ awie mɔɔ ɛhɔne ɛlɛku ye na yeha ɛlalɛ kɛ ɔlɛdi aleɛ,Noko ɔtunwue a ɛnee ɛhɔne tɛku ye* la,Yɛɛ ɔbayɛ kɛ awie mɔɔ nzuhɔne ɛlɛku ye na yeha ɛlalɛ kɛ ɔlɛno nzule,Noko ɔdwazo a ɛnee yevɛ na nzuhɔne tɛku ye* la.
Zɔhane ala a bado maanle maanle ne anu amra kɔsɔɔtiMɔɔ bɛlɛko bɛatia Zayɔn Boka ne la a.+
9 Bɛmaa ɔzi bɛ nwo na bɛ nye ɛha nwo;+Bɛzi bɛ nye amaa bɛannwu debie.+
Bɛbo, noko tɛ nwanye a ɛbo bɛ a;Bɛlɛtotɔ, noko tɛ nza a ɛlɛmaa bɛatotɔ a.
10 Ɔluakɛ Gyihova ɛwola nafelɛ botoo sunsum ɛgua bɛ nwo zo;+Yeheda ngapezoma ne anye,+Yɛɛ yeheda ɛnyelɛzodeɛnwunlɛma ne ati zo.+
11 Ɛnyelɛzodeɛnwunlɛ biala bayɛ bɛ kɛ buluku mɔɔ bɛzɔ ɔ nloa la anu edwɛkɛ.+ Saa bɛfa bɛmaa awie mɔɔ kola kenga la kɛ: “Yɛsɛlɛ wɔ, kenga ɛhye kpole” a, ɔbaha kɛ: “Menrɛhola, ɔluakɛ bɛzɔ ɔ nloa.”
12 Na saa bɛfa bɛmaa awie mɔɔ ɛnze kenga la kɛ: “Yɛsɛlɛ wɔ, kenga ɛhye” a, ɔbaha kɛ: “Menze kenga.”
13 Gyihova se: “Menli ɛhye mɔ fa bɛ nloa mgbane bikye meYɛɛ bɛfa bɛ nloa bɛdi me eni,+Na bɛ ahonle ɛdeɛ, ɔmbikye me fee;Me nwo ɛzulolɛ mɔɔ bɛlɛ la gyi menli mɛla mɔɔ bɛhilehile bɛ la azo.+
14 Ɔti, eza mebalua menli ɛhye anwo zo meayɛ nwanwane ninyɛne,+Wɔ nwanwane adenle zo meamaa yeayɛ nwanwane;Bɛ nrɛlɛbɛvolɛma nrɛlɛbɛ baminli,Na bɛ menli mɔɔ le badwema la ndelebɛbo zo aheda.”+
15 Bɛdabɛ mɔɔ bɛbɔ mɔdenle kɛ bɛfa bɛ ngyehyɛleɛ bɛavea Gyihova la, bɛ gyakɔ.+
Bɛyɛ bɛ nyɛleɛ wɔ awozinli nu,Na bɛka kɛ: “Nwane a nwu yɛ a?
Nwane a ze mɔɔ yɛlɛyɛ a?”+
16 Nea kɛzi bɛkyibehyiba ninyɛne* la!
Asoo ɔwɔ kɛ bɛbu nwovolɛ ne kɛ ndɛtɛlɛ ne ala la?+
Asoo debie mɔɔ bɛyɛ la baha ye yɛvolɛ ne anwo edwɛkɛ kɛ:
“Tɛ ɔdaye a ɔyɛle me a”?+
Asoo deɛ mɔɔ bɛnwo la baha ye nwovolɛ ne anwo edwɛkɛ kɛ:
“Ɔnze ɛhwee”?+
17 Ɔnrɛhyɛ biala, Lɛbanɔn bahakyi tola,+Na bɛbabu tola ne kɛ ɛhoayelɛ la.+
18 Kenle zɔhane anzondiliravolɛma bade buluku ne anu edwɛkɛ,Na anyenzinliravolɛma bavi awozinli nee awozinli kabii ne anu anwu debie.+
19 Bɛlɛvoma bali fɛlɛko kpole wɔ Gyihova anu,Na ehyianvolɛma mɔɔ wɔ menli ne avinli la anye balie wɔ Yizilayɛ Nwuanzanwuanza Ko ne anu.+
20 Ɔluakɛ atisesebɛnli ne abo zo baminli,Awie mɔɔ tu ɔ nloa anu la awieleɛ bara,Na bɛbazɛkye menli kɔsɔɔti mɔɔ kulo kɛ bɛyɛ amumuyɛ la,+
21 Bɛdabɛ mɔɔ bɛdua adalɛ edwɛkɛ zo bɛmaa awie mɔ di fɔlɛ,Bɛsua awie mɔɔ di edwɛkɛ* wɔ suakpole ne anlenkɛ kpole ne anloa la ɛhane,+Na kpolerazulɛ mgbane mgbane ti bɛnli pɛlepɛle bɛmmaa tenlenenli la.+
22 Yemɔti edwɛkɛ mɔɔ Gyihova mɔɔ liele Ebileham+ la ɛha ɛhile Gyekɔbo abozoamra la ɛne:
“Gyekɔbo anyunlu ɛnrɛgua aze bieko,Yɛɛ ɔ nyunlu ɛnrɛyɛ alɔbɔlɛ bieko.*+
23 Ɔluakɛ saa ɔnwu ɔ mra ne mɔ,Mɔɔ bɛle me sa anloa gyima la wɔ ye avinli a,+Bɛbade me duma nwo;Ɛhɛe, bɛbade Gyekɔbo Nwuanzanwuanza Ko ne anwo,Na bɛazulo Yizilayɛ Nyamenle ne.+
24 Bɛdabɛ mɔɔ bɛvo wɔ bɛ adwenle nu la banyia ndelebɛbo,Na bɛdabɛ mɔɔ bɛtendɛ bɛ nzo abo la balie ngilehilelɛ ado nu.”
Ɔbodwɛkɛ
^ Ɔkola ɔkile “Nyamenle Afɔlemokyea,” ɔbayɛ kɛ ɔfale Gyɛlusalɛm anwo.
^ Hibulu aneɛ nu, “nyɛvolɛ.”
^ Anzɛɛ “ye ɛkɛla ɛdɔ mgbane.”
^ Anzɛɛ “ye ɛkɛla ɛyɛ reserese.”
^ Anzɛɛ “kɛzi bɛzi ninyɛne ti aze.”
^ Hibulu aneɛ nu, “awie mɔɔ twi bɛ nyunlu.”
^ Ɛhye kile, ɔnrɛbɔ anyiemgba yɛɛ ɔ rɛle ɛnrɛbɔ.
