Ayezaya 3:1-26

  • Dwuda mgbanyima bɛlɛbɛla menli ne (1-15)

  • Bɛbua Zayɔn mraalɛ ahulomrenyia ne mɔ ndɛne (16-26)

3  Nea! ɛlɔne Gyihova, nɔhalɛ Awulae neƐlɛye moalɛ biala avi Gyɛlusalɛm nee Dwuda,Paano nee nzule nwo moalɛ kɔsɔɔti,+   Katakyie nee kovolɛ,Ndɛnebuavolɛ nee ngapezonli,+ awie mɔɔ ka mɔɔ bazi kenle bie yɛɛ kpanyinli,   Kpanyinli mɔɔ nea menli 50 nwo zo,+ anyunlunyianli yɛɛ folɛtuvolɛ,Awie mɔɔ ɛbe ngonyiayelɛ nu nee awie mɔɔ ze sili kye kpalɛ la.+   Mebamaa ngakula mrenyia ayɛ bɛ mgbanyima,Na awie mɔɔ ye adwenle ɛnzi pi la anlea bɛ nwo zo.   Menli ne basisi bɛ nwo,Ko biala basisi ɔ gɔnwo.+ Kakula nrenyia bahwe ɔ sa abɔ kpanyinli,Na awie mɔɔ bɛmbu ye bie la ɛnrɛbu awie mɔɔ bɛdi ye eni la.+   Awie biala bazɔ ɔ diema wɔ ye papa sua nu na yeaha kɛ: “Wɔmɔ ɛlɛ tɛladeɛ—nea yɛ nwo zo. Nea ninyɛne mɔɔ ɛzɛkye mɔɔ bɛhuohua ɔ nloa la azo.”   Noko kenle zɔhane ɔbaha kɛ: “Menrɛyɛ bɛ nganlɛ ne mɔ ayile;Menlɛ aleɛ anzɛɛ adɛladeɛ wɔ me sua nu. Bɛmmamaa menea menli ne anwo zo.”   Ɔluakɛ Gyɛlusalɛm ɛtele ɛdɔ aze,Yɛɛ Dwuda ɛdɔ aze,Ɔluakɛ bɛ edwɛkɛ nee bɛ nyɛleɛ tia Gyihova;Bɛde atua wɔ Anyunlunyianli ne anyunlu.*+   Bɛ nyunlu maanle ne di daselɛ tia bɛ,Yɛɛ bɛka bɛ ɛtane ne bagua nu kɛ Sodɔm la;+Bɛmbɔ mɔdenle kɛ bɛfea zo. Bɛ gyakɔ,* ɔluakɛ bɛlɛtwe munzule bɛara bɛ nwo zo! 10  Bɛha bɛhile tenlenema kɛ ɔbawie bɛ boɛ;Bɛbanyia mɔɔ bɛyɛ la anwo ahatualɛ.*+ 11  Amumuyɛnli ne gyakɔ! Munzule bado ye,Mɔɔ yeva yeyɛ awie mɔ la, bɛbava bie bɛayɛ ye! 12  Me menli ne ɛdeɛ, menli mɔɔ maa bɛyɛ gyima la sisi bɛ,Yɛɛ mraalɛ nea bɛ nwo zo. Me menli, bɛ mgbanyima ɛlɛmaa bɛaminli,Yɛɛ bɛmmaa bɛnnwu adenle mɔɔ ɔwɔ kɛ bɛdua nu la.+ 13  Gyihova ɛgyinla kɛ ɔbɔ menli somolɛ;Yedwazo kɛ ɔbua menli ndɛne. 14  Gyihova babua ye menli ne mgbanyima nee bɛ tumivolɛma ne ndɛne. “Bɛyela vanye egyinli ne,Yɛɛ ninyɛne mɔɔ bɛwua bɛvi ehyiavolɛma ɛkɛ la wɔ bɛ azua nu.+ 15  Duzu ati a bɛsisi me menli neNa bɛfa ehyiavolɛma anyunlu bɛkyikyi aze ɛ?”+ kɛ Tumivolɛ Awulae, ɛlɔne Gyihova se la ɛne. 16  Gyihova se: “Kɛmɔ Zayɔn mraalɛ memaa bɛ nwo zo,Na bɛtia a bɛ ti la alɛnranyunlu,*Bɛtwehwe bɛ nye anzi, bɛtudu bɛ gyakɛ ngoko,Na bɛmaa agudeɛ mɔɔ gua bɛ gyakɛ la yɛ dede la ati, 17  Gyihova bamaa Zayɔn mraalɛ ati zo atulu abonle,Na Gyihova amaa bɛ nwoma azo ayɛ kpawee.+ 18  Kenle zɔhane, Gyihova baye bɛ ngɛba ngɛnlɛma ne mɔ avi ɛkɛ,Bɛ duku nee bɛ agudeɛ ne mɔ mɔɔ bɛyɛ bɛ kɛ siane la,+ 19  Asomadeɛ, bɛ sa akɔme nu ngɛba yɛɛ bɛ ti zo aguzo, 20  Abotile, bɛ gyakɛ kyeenyi yɛɛ akyeso,Nwole evuanlɛ adoba nee banzɛlɛ, 21  Bɛ sa mgbɔdelera nee bɛ bonyi nu ngɛba, 22  Adɛladeɛ ngɛnlɛma, bubu, adɛladeɛ aguzo nee ezukoa ahodoku, 23  Neanleɛ+ nee lenen adɛladeɛ,*Abotile nee bɛ ti zo aguzo. 24  Kɛ anrɛɛ balesam nwole+ babɔnle bɛ nwo la, bɛ nwo babɔ;Kɛ anrɛɛ bɛbanyia bɛlɛte la, bɛbanyia nyɛma;Kɛ anrɛɛ bɛbayɛ bɛ enrinli ne kɛnlɛma la, bɛ ti zo bakpa;+Kɛ anrɛɛ bɛbaheda ɛdanlɛ kpalɛ la, bɛbaheda ɛrele;+Kɛ anrɛɛ bɛ nwo bayɛ fɛ la, bɛ nwo bayɛ ahapenle. 25  Wɔ mrenyia ne mɔ bawu dadeɛ nloa,Yɛɛ wɔ katakyiema bawu konle nu.+ 26  Suakpole ne nlenkɛ ne mɔ bazu aye awolɛ,+Na ɔbakpofo azɛlɛ nwo.”+

Ɔbodwɛkɛ

Hibulu aneɛ nu, “wɔ ye anyunlunyia ne anye zo.”
Anzɛɛ “Bɛ ɛkɛla gyakɔ.”
Hibulu aneɛ nu, “Bɛbali bɛ nyɛleɛ nwo ma.”
Hibulu aneɛ nu, “bɛtoto bɛ kɔme.”
Anzɛɛ “adɛladeɛ mɔɔ bɛwula ye wɔ tɛladeɛ bo.”