Ayezaya 12:1-6

  • Moyɛlɛ edwɛne (1-6)

    • “Gyaa Gyihova le me anwosesebɛ” (2)

12  Kenle zɔhane ɛbaha kɛ: “O Gyihova, meda wɔ ase,Ɔluakɛ ɛvale me nwo ɛya ɛdeɛ,Noko ngyikyi ngyikyi wɔ ɛya ne dwole na ɛkyekyele me rɛle.+   Nea! Nyamenle le me ngoanelielɛ.+ Mebava me rɛle meawula ye nu na menrɛzulo;+Ɔluakɛ Gyaa* Gyihova le me anwosesebɛ nee me tumi,Na yerayɛ me ngoanelielɛ.”+   Ɛbava fɛlɛkolilɛ wɔaza nzuleWɔavi ngoanelielɛ nzubula ne mɔ anu.+   Na kenle zɔhane ɛbaha kɛ: “Bɛyɛ Gyihova mo, bɛbɔ ye duma,Bɛmaa menli ɛnwu ye nyɛleɛ ne mɔ!+Bɛbɔ ye nolo kɛ bɛkpogya ye duma.+   Bɛdo ayɛlɛyelɛ edwɛne* bɛmaa Gyihova+ ɔluakɛ yeyɛ ninyɛne mgbole.+ Bɛmaa bɛnwu ɛhye wɔ azɛlɛ ye azo amuala.   Teɛdea nu fa anyelielɛ to edwɛne, wɔmɔ* mɔɔ ɛde Zayɔn,Ɔluakɛ Yizilayɛ Nwuanzanwuanza Ko ne mɔɔ wɔ wɔ avinli la le kpole.”

Ɔbodwɛkɛ

“Gyaa” le Gyihova duma ne mɔɔ bɛpɛ ye sinli la.
Anzɛɛ “Bɛbɔ edwɛne.”
Hibulu aneɛ nu, “wɔmɔ raalɛ,” ɔlɛfa raalɛ yeagyinla ɛkɛ ne yeamaa menli ne amuala.