Ayezaya 40:1-31

40  “Bɛkyekye me menli ne arɛle, bɛkyekye bɛ rɛle,” bɛ Nyamenle ne a se a.+   “Bɛdendɛ bɛmaa ɔha Gyɛlusalɛm ahonle,*Na bɛbɔ ye nolo bɛhile ye kɛ ye amaneɛnwunlɛ mekɛ ne ɛra awieleɛ,Bɛdua ye ɛtane ne anwo kakɛ.+ Yenyia ye ɛtane ne mɔ anwo ahatualɛ kɔsɔɔti* yevi Gyihova asa anu.”+   Ɛnelɛ bie ɛlɛtea nu wɔ fienemgbole ne anu kɛ: “Bɛziezie Gyihova adenle ne!+ Bɛmaa adenle mɔɔ tenrɛ+ la ɛla ɛsɛlɛ ne azo ɛmaa yɛ Nyamenle ne.+   Bɛdua bɔnza biala,Na bɛha boka kpole nee boka ekyi biala aze. Bɛduodua azɛlɛ nwo ahuma ne mɔ bɛmaa ɔla zo,Na bɛmaa ɛleka ahuhunduu ne mɔ ɛyɛ azɛlɛ sɛsɛ.+   Gyihova anyunlunyia ne bala ali,+Na nwonane* kɔsɔɔti banwu ye.+Ɔluakɛ Gyihova anloa edwɛkɛ ɔ.”   Tie! Awie ɛlɛka kɛ: “Tea nu!” Awie gyɛne biza kɛ: “Duzu a mendea nu menga a?” “Nwonane* kɔsɔɔti le kɛ ndile amolɛ. Bɛ ɛlɔlɛ kpundii kɔsɔɔti le kɛ ɛbɔ nu ndotolo la.+   Ndile amolɛ we,Ndotolo nwoso,+Ɔluakɛ Gyihova ɛnwomenle* ne bɔ ye.+ Nɔhalɛ nu, menli le kɛ ndile amolɛ la.   Ndile amolɛ we,Ndotolo nwoso,Noko yɛ Nyamenle ne edwɛkɛ ne wɔ ɛkɛ dahuu.”+   Wɔmɔ raalɛ mɔɔ ɛlɛfa edwɛkpa wɔara Zayɔn,Fo kɔ boka tendenle zo.+ Wɔmɔ raalɛ mɔɔ ɛlɛfa edwɛkpa wɔara Gyɛlusalɛm,Fa anwosesebɛ maa ɛ ne zo. Maa ɛ ne zo, mmasulo. Bɔ ye nolo kile Dwuda azuamgbole ne mɔ kɛ: “Bɛ Nyamenle ne ɛne.”+ 10  Nea! Tumivolɛ Awulae Gyihova bava tumi ara,Na ɔ sa bali tumi amaa ye.+ Nea! Ye ahatualɛ wɔ ɔ nwo ɛkɛ,Yɛɛ ye kakɛdualɛ ne la ɔ nyunlu.+ 11  Ɔbanlea ye mboane ne kɛ mboaneneavolɛ la.+ Ɔbava ɔ sa yeaboɔboa ye mboane mralɛ ne mɔ anloa,Na yeavia bɛ wɔ ɔ kɛnra azo. Na ɔbaha mɔɔ ɛlɛmaa bɛ mra nyɛfonlɛ la bɛtɛɛ.+ 12  Nwane a ɛva ɔ sa akunlu ɛzuzu nzuleNa yeva ɔ sa waa ko* yezuzu anwuma a?+ Nwane a ɛva ɛzuzudeɛ ɛzuzu azɛlɛ ye azo munlutu+Anzɛɛ yeva tone yezuzu awokaMgbole nee ngyikyi a? 13  Nwane a ɛzuzu Gyihova sunsum ne a,*Yɛɛ nwane a bahola ahilehile ye kɛ ye folɛtuvolɛ a?+ 14  Nwane a ɔbizale ye ɔnyianle ndelebɛbo,Anzɛɛ nwane a kilehile ye pɛlepɛlelilɛ adenle,Anzɛɛ ɔmaa ɔnwu nrɛlɛbɛ,Anzɛɛ ɔkile ye nɔhalɛ ndelebɛbo adenle a?+ 15  Nea! Maanle maanle ne mɔ le kɛ bokiti nu nzule kpɔnwo ko mɔɔ ɛpe aze la,Na ɔbu bɛ kɛ munlutu mɔɔ wɔ tone zo la.+ Nea! Ɔfula mbɔra ne mɔ kɛ munlutu la. 16  Lɛbanɔn mbaka bɔbɔ ɛnza senle wuda,Yɛɛ nuhua nane ɛnza ɛyelalɛ afɔle bɔ. 17  Maanle maanle kɔsɔɔti ɛnle ɛhwee wɔ ɔ nyunlu;+Ɔbu bɛ kɛ bɛle mgbane, bɛle kɛ debie mɔɔ ɛnle ɛkɛ la.+ 18  Nwane a bɛbahola bɛava ye bɛatoto Nyamenle anwo a?+ Duzu debie a bɛbahola bɛaha kɛ ɔzɔho ye a?+ 19  Dwinvolɛ gua ananze,Mbulalɛ dwinvolɛ fa nvutuke fɔle nwolɛ,+Na ɔyɛ dwɛtɛ fufule kyeenyi ɔmaa ye. 20  Ɔfa baka ɔyɛ ye afɔlebɔdeɛ,+Baka mɔɔ ɛmkpɔlɔ la. Ɔkpondɛ dwinvolɛ mɔɔ ɛbe laƆmaa ɔfa ɔse ananze mɔɔ ɛnrɛdɔ aze la.+ 21  Bɛnze ɔ? Bɛtɛtele ɔ? Bɛanga bɛangile bɛ wɔ mɔlebɛbo ne ɔ? Bɛtɛtele ɔ bo ɔvi mekɛ mɔɔ bɛdole azɛlɛ ne adiabo la ɔ?+ 22  Awie wɔ ɛkɛ mɔɔ ɔde azɛlɛ kutukpunli ne azo anwuma a,+Na menli mɔɔ wɔ zolɛ la le kɛ abɛbɛ. Ɔsa anwuma anu kɛ ɛdanlɛ hatahata,Na ɔtɛlɛdɛlɛ nuhua kɛ ɛdanlɛsua mɔɔ bɛtɛnla nuhua la.+ 23  Ɔmaa menli titili yɛ mgbaneNa ɔmaa azɛlɛ ye azo ndɛnebuavolɛma* yɛ menli mɔɔ nvasoɛ ɛnle bɛ nwo zo. 24  Saa bɛdua bɛ ala a,Saa bɛgua bɛ ala a,Mɔɔ bɛtɛwiele ndinli sosɔ wɔ azɛlɛ nwo la,Anwoma bɔ bɛ maa bɛnwoso,Na anwoma ne pia bɛ kɔ kɛ abonle la.+ 25  “Nwane a bɛbahola bɛava ye bɛatoto me nwo na ɔ nee me azɛ a?” Nwuanzanwuanza Ko ne a se a. 26  “Bɛmaa bɛ nye zo anwuma na bɛnlea. Nwane a bɔle ninyɛne ɛhye mɔ a?+ Ahenle mɔɔ li bɛ ɛlɔne ne anyunlu na ɔtia bɛ ngoko la ɔ;Ɔfa ko biala duma ɔfɛlɛ ye.+ Ye anwosesebɛ molozo ne nee ye tumi kpole ne ati,+Bɛ nuhua ko bɔbɔ ɛmminli. 27  O Gyekɔbo, duzu ati a ɛka kɛ, yɛɛ Yizilayɛ, duzu ati a ɛse,‘Gyihova ɛnnwu me adenle nu,Yɛɛ mennyia pɛlepɛlelilɛ menvi Nyamenle ɛkɛ’ ɛ?+ 28  Bɛnze ɔ? Bɛtɛtele ɔ? Gyihova mɔɔ bɔle debie biala mɔɔ wɔ azɛlɛ ye azo la le Nyamenle dahuu.+ Ɔnvɛ yɛɛ ɔ nwo ɛmbɛlɛ ye.+ Bɛngola bɛnneɛnlea ye ndelebɛbo nu bɛnwie.+ 29  Ɔmaa mɔɔ ɛvɛ la anwosesebɛNa ɔmaa bɛdabɛ mɔɔ bɛnlɛ anwosesebɛ la nyia anwosesebɛ kpole.+ 30  Ngakula mrenyia bavɛ na bɛ nwo abɛlɛ bɛ,Yɛɛ mgbavolɛ batete agua aze, 31  Noko bɛdabɛ mɔɔ bɛ nye la Gyihova anwo zo la banyia anwosesebɛ fofolɛ. Bɛbadu faa kɛ asɛɛ bɛlɛ kɔleɛ ndɛbalɛ.+ Bɛbanriandi noko bɛ nwo ɛnrɛbɛlɛ bɛ;Bɛbadia noko bɛnrɛvɛ.”+

Ɔbodwɛkɛ

Anzɛɛ “Bɛkyekye Gyɛlusalɛm arɛle.”
Anzɛɛ “ahatualɛ mɔnwo nwiɔ.”
Anzɛɛ “alesama.”
Anzɛɛ “Alesama.”
Anzɛɛ “sunsum.”
Ɔvi bɛ sa kokotile mɔɔ kɔdwu bɛ sa ɛrɛlɛsɛka ekyi ne azo la a le bɛ sa waa ko a. Ye tendenle le sm 22.2 (enkyi 8.75) Nea Mok. B14.
Anzɛɛ ɔkola ɔkile, “Nwane a ɛde Nyamenle sunsum ne abo a.”
Anzɛɛ “tumivolɛma.”