Wulu kɔ nuhua edwɛkɛ ne azo

Wulu kɔ nuninyɛne ne azo

 B1

Baebolo Ne Anu Edwɛkɛ

Gyihova Nyamenle lɛ adenle di tumi. Adenle mɔɔ ɔdua zo ɔdi tumi la le kpalɛ tɛla biala. Bodane mɔɔ ɔlɛ ɔmaa azɛlɛ ye nee alesama la bara nu.

Ɛvolɛ 4026 K.Y.M. anzi

“Ɛwɔlɛ” ne dendɛle tiale adenle mɔɔ Gyihova lɛ di tumi nee kɛzi ɔdi tumi la. Gyihova bɔle ɛwɔkɛ kɛ ɔbamaa ‘ralɛ’ bie mɔɔ awieleɛ bɔkɔɔ ne ɔbabɛtɛ ɛwɔlɛ ne, mɔɔ le Seetan la ara. (Gyɛnɛsese 3:1-5, 15) Noko, Gyihova ɛmaa alesama mekɛ kɛ bɛva bɛnlea bɛ nwo zo wɔ ɛwɔlɛ ne tumi bo.

Ɛvolɛ 1943 K.Y.M.

Gyihova hanle hilele Ebileham kɛ ‘ralɛ’ ne mɔɔ ɔbɔle ɔ nwo ɛwɔkɛ la bayɛ ɔ bo zo amra ne mɔ anu ko.—Gyɛnɛsese 22:18.

Ɛvolɛ 1070 K.Y.M. anzi

Gyihova zile zolɛ hilele Belemgbunli Devidi yɛɛ nzinlii ɔ ra Sɔlɔmɔn kɛ ‘ralɛ’ ne mɔɔ ɔbɔle ɔ nwo ɛwɔkɛ la bavi bɛ abusua ne anu a ara a.—2 Samoɛle 7:12, 16; 1 Arelemgbunli 9:3-5; Ayezaya 9:6, 7.

Ɛvolɛ 29 Y.M.

Gyihova maa ɔda ali kɛ Gyisɛse a le ‘ralɛ’ ne mɔɔ ɔbɔle ɔ nwo ɛwɔkɛ kɛ ɔbayɛ Koliagya na yeali Devidi belemgbunli ebia ne la.—Galeehyeama 3:16; Luku 1:31-33; 3:21, 22.

 Ɛvolɛ 33 Y.M.

Ɛwɔlɛ ne, Seetan, hale ‘ralɛ’ ne mɔɔ bɛbɔle ɔ nwo ɛwɔkɛ la agyakɛ anzi ekyi, ɔmaanle bɛhunle Gyisɛse. Gyihova dwazole Gyisɛse hɔle anwuma na ɔliele Gyisɛse ngoane ne mɔɔ di munli na ɔsonle bolɛ la ɔdole nu, ɛhye ati ɔmaanle bɛnyianle debie mɔɔ bɛbagyinla zo bɛava ɛtane bɛahyɛ na bɛamaa Adam abozoamra anyia dahuu ngoane la.—Gyɛnɛsese 3:15; Gyima ne 2:32-36; 1 Kɔlentema 15:21, 22.

Kɛyɛ ɛvolɛ 1914 Y.M.

Gyisɛse vuandinle ɛwɔlɛ ne mɔɔ le Seetan la dole azɛlɛ ye azo kɛ, ɔdɛnla ɛkɛ ne mekɛ ekyi.—Yekile 12:7-9, 12.

Kenle bie

Gyisɛse bado Seetan efiade ɛvolɛ 1,000, na akee yeazɛkye ye, sɛkɛlɛneɛ adenle zo, ɔbabɛtɛ ɔ ti. Gyihova mɔlebɛbo bodane mɔɔ ɔlɛ ɔmaa azɛlɛ ye nee alesama la bara nu, ye duma nwo bade, na bɛalie bɛado nu kɛ adenle mɔɔ ɔdua zo ɔdi tumi la fɛta.—Yekile 20:1-3, 10; 21:3, 4.