Ayezaya 17:1-14

  • Nrɛlaleɛ mɔɔ tia Damasekɛse (1-11)

  • Gyihova badea maanle maanle ne mɔ (12-14)

17  Nrɛlaleɛ mɔɔ tia Damasekɛse la ɛne:+ “Nea! Damasekɛse ɛnrɛyɛ suakpole bieko,Na ɔbayɛ ewula edukue.+   Alowɛ+ azuamgbole ne mɔ badɔ mgbane;Bɛbayɛ ɛleka mɔɔ mboane da aNa awie biala ɛnrɛha bɛ ɛzulolɛ.   Azuamgbole mɔɔ yɛ se la abo zo baminli avi Yifelaem,+Yɛɛ belemgbunlililɛ ne bavi Damasekɛse;+Na bɛdabɛ mɔɔ bɛbaha Selea la anyunlunyia neBayɛ kɛ Yizilayɛma anyunlunyia ne la,” kɛ ɛlɔne Gyihova se la ɛne.   “Kenle zɔhane, Gyekɔbo anyunlunyia ne baha aze,Na ɔbanwa yeayɛ nrenzenrenze.   Ɔbayɛ kɛ ɛyazonlɛnli mɔɔ ɛlɛboɔboa ma nloaNa ma ekyi bie ala a ɛha la;Ɔbayɛ kɛ awie mɔɔ ɛlɛsesa ma bo zo wɔ Relɛfeeyem Bɔnza ne anu la.+   Ma bo zo ekyi bie ala a baha a,Ɔbayɛ kɛ ɔlivi baka mɔɔ bɛwoso ye la: Ma nwiɔ anzɛɛ nsa mɔɔ ɛbolo la ala a baha wɔ ye ngane tendenle ne azo a,Nna anzɛɛ nnu ala a baha wɔ ye ngane ne mɔ mɔɔ so la azo a,”+ kɛ Gyihova, Yizilayɛ Nyamenle ne se la ɛne.  Kenle zɔhane, sonla banlea ye Bɔvolɛ ne, na ɔ nye aha Yizilayɛ Nwuanzanwuanza Ko ne anwo.  Ɔnrɛnlea afɔlemokyea ne mɔ+ mɔɔ bɛle ɔ sa anloa gyima la;+ yɛɛ ɔnrɛnlea ninyɛne mɔɔ yeva ɔ sa mrɛlɛsɛka yeyɛ la biala, ɛzonlenlɛ mpila* o, ayilevuanlɛ afɔlemokyea ne mɔ o.   Kenle zɔhane, ye azuamgbole mɔɔ yɛ se la bayɛ kɛ ɛhoayelɛ nu ɛleka mɔɔ ɛdɔ mgbane la,+Ɔbayɛ kɛ ngane mɔɔ bɛkpole ye wɔ Yizilayɛma anyunlu la;Ɔbayɛ azɛlɛ mɔɔ ɛdɔ mgbane. 10  Ɔluakɛ ɛ rɛle ɛvi wɔ ngoanelielɛ Nyamenle ne;+Wɔangakye Bodane ne,+ wɔ aranemgbole ne. Ɛhye ati a wɔlua mbaka ngɛnlɛmaNa wɔlua ɛyɛvolɛ* baka wɔ nu la. 11  Ɛdie wɔ mbaka nwo bane wɔ alehyenlɛ nu,Ɛmaa wɔ ma fifi nwonlomɔ nu,Noko kenle mɔɔ ɛ nwo bado wɔ mɔɔ ɛlɛdi nyane kpole la, ma ɛdelɛ mekɛ ne baminliminli.+ 12  Tie! Menli dɔɔnwo ɛlɛyɛ begyebegye,Bɛlɛkulu kɛ nyevile la! Maanle maanle ɛlɛyɛ dede,Bɛ dede ne le kɛ azule mgbole mɔɔ ɛlɛyɛ dede la! 13  Maanle maanle ne mɔ bayɛ dede kɛ azule dɔɔnwo la. Ɔbadea bɛ na bɛbanriandi bɛahɔ moa,Ɔbavoa bɛ kɛ abonle mɔɔ gua boka zo mɔɔ anwoma ɛlɛbɔ ye ahɔ la,Ɔbayɛ kɛ baka bowule mɔɔ ahumu ɛlɛmaa yeapɛnepɛne ɔ nwo la. 14  Ɔdwu nɔsolɛ nu a ɛzulolɛ ngome. Aleɛ kahye la, ɛnee bɛnle ɛkɛ. Ɛhye a le menli mɔɔ ɛlɛwua yɛNee menli mɔɔ ɛlɛsesa yɛ ninyɛne la kyɛfoa a.

Ɔbodwɛkɛ

Anzɛɛ “adalɛ nyamenle.”