Ayezaya 16:1-14

  • Nrɛlaleɛ mɔɔ tia Mowabe la ndoazo (1-14)

16  Bɛva boane nyinli bɛvi SelaBɛlua fienemgbole ne anu bɛhɔmaa azɛlɛ ne azo tumivolɛ neWɔ suakpole Zayɔn boka ne azo.   Mowabe mraalɛ bayɛ kɛ aloma mɔɔ bɛvoa ye bɛvi ye sane nu la+Wɔ Anɔn azule ne ɛleka mɔɔ bɛwudwu bɛpɛ la.+   “Bɛdu folɛ, bɛzi kpɔkɛ. Saa ɔdwu ewiazo a, maa wɔ alubo ne ɛyɛ kɛ nɔɔzo la. Fa menli mɔɔ bɛbɔ asande la fea na mmaye bɛdabɛ mɔɔ bɛlɛnriandi la ɛmaa.   O Mowabe, maa me menli mɔɔ ɛbɔ asande la ɛdɛnla wɔ avinli. Yɛ ɛvealeka maa bɛ ɔlua sɛkyevolɛ ne ati.+ Ahenle mɔɔ ɛlɛsisi bɛ la awieleɛ bara,Ɛzɛkyelɛ ne abo bapɛ,Na bɛdabɛ mɔɔ bɛlɛtietia awie mɔ anwo zo la abo zo baminli avi azɛlɛ ye azo.   Akee bɛbava belemgbunli ebia bie bazie ɛkɛ ne kpundii wɔ ɛlɔlɛ kpundii nu. Ahenle mɔɔ ɔbadɛnla zo wɔ Devidi ɛdanlɛsua ne anu la bayɛ nɔhavo;+Ɔbabua ndɛne pɛlepɛle na yeava tenleneyɛlɛ yeayɛ gyima ndɛndɛ.”+   Yɛde Mowabe anwomemaazo ne anwo edwɛkɛ—ɔle adubɛnwo kpalɛ+Ye anwomemaazo nee ye adubɛnwo nee ye ɛya ne;+Noko ɔ nloa anu mɔɔ ɔtu la bayɛ mgbane.   Ɔti Mowabe baye ye amaneɛnwunlɛ ne anwo awolɛ;Bɛ muala bɛbazu bɛaye awolɛ.+ Bɛdabɛ mɔɔ bɛlɛnwu amaneɛ la bali Kɛɛ-halɛsɛte vanye ma welera ne anwo nyane.+   Ɔluakɛ Hɛhyebɔn+ ɛya ne mɔ ɛzɛkye,Sebemaa+ vanye ne,Maanle maanle ne mɔ tumivolɛma ɛtietia ye ngane mɔɔ ɛbolo la azo;*Bɛhɔ too bɛhɔdwu Gyeezɛ;+Bɛdɛlɛ bɛhɔdwu fienemgbole ne anu. Ye ngane ne mɔ ɛdɛlɛdɛlɛ too ɛhɔdwu nyevile ne anloa.   Ɛhye ati a mebazu Sebemaa vanye ne kɛ mɔɔ mesu Gyeezɛ la. O Hɛhyebɔn nee Ɛleyela,+ mebava me nye monle mealoa bɛ,Ɔluakɛ bɛ wawaa mekɛ nu ma nee bɛ ma ɛdelɛ nwo ɛdeɛdeanlɛ ne ɛra awieleɛ.* 10  Bɛye fɛlɛkolilɛ nee anyelielɛ bɛvi tola ne anu,Yɛɛ bɛnde anyelielɛ edwɛne anzɛɛ ɛdeɛdeanlɛ wɔ vanye egyinli ne mɔ anu.+ Awie mɔɔ twihwi nwanye la ɛndwihwi nwanye wɔ nwanye ɛhwihwinlɛ kuma ne anu bieko,Ɔluakɛ memaa ɛdeɛdeanlɛ ne ɛra awieleɛ.+ 11  Ɛhye ati, me kunlu woso me wɔ Mowabe anwo+Kɛ haape mɔɔ bɛlɛbɔ,Yɛɛ me kunlu yelɛyela me wɔ Kɛɛ-halɛsɛte anwo.+ 12  Saa Mowabe yele ɔ nwo wɔ ɛzonlenlɛ ɛleka ne na ɔkɔyɛ asɔne wɔ ye ɛzonlenlɛsua ne anu bɔbɔ a, ɔnrɛnyia ɛhwee.+ 13  Edwɛkɛ mɔɔ Gyihova limoale hanle wɔ Mowabe anwo la ɛne. 14  Kɛkala Gyihova se: “Wɔ ɛvolɛ nsa mɔɔ le kɛ ɛkpanli ɛvolɛ* la anu, Mowabe anyunlunyia ne babɔ anyiemgba na zolɛ ayɛ begyebegye, na menli mɔɔ baha la bayɛ ekyi mɔɔ bɛnlɛ anwosesebɛ a.”+

Ɔbodwɛkɛ

Anzɛɛ “ye ngane mɔɔ ma mɔɔ ɛbolo wɔ zo la azo.”
Anzɛɛ ɔkola ɔkile, “Ɔluakɛ konle nu ɛdeɛdeanlɛ ne ɛra bɛ wawaa mekɛ nu ma nee bɛ ma ɛdelɛ ne azo.”
Anzɛɛ “mɔɔ bɛdia ye kɛ mɔɔ ɛkpanli tia ye ɛvolɛ la”; ɛhye kile, ɛvolɛ nsa pɛpɛɛpɛ.