Ayezaya 23:1-18

  • Nrɛlaleɛ mɔɔ tia Taya (1-18)

23  Taya anwo nrɛlaleɛ ɛne:+ Bɛmɛ Tahyehye meli, bɛzu bɛye awolɛ!+ Ɔluakɛ habɔ ne ɛzɛkye; bɛkɔ ɛkɛ a ɔnyɛ boɛ. Kitem azɛlɛ zo+ a bɛlale ye ali bɛhilele bɛ a.   Bɛmɛ ɛnweazo amra, bɛyɛ koonwu. Saedɛn gualilɛma+ mɔɔ pɛ nyevile ne la ɛmaa bɛnyia bɛ nwo.   Bɛvale Hyaehɔ* ma ne bɛluale azule dɔɔnwo azo,+Ninyɛne mɔɔ bɛvale bɛluale Naele ne azo la maanle ɔnyianle ezukoa,Ɔmaanle maanle maanle nyianle nvasoɛ.+   O Saedɛn, wɔmɔ mɔɔ ɛle nyevile nloa aranemgbole la, maa nyiane ɛdɔ ɛ nye zo,Ɔluakɛ nyevile ne ɛha kɛ: “Metɛtele awolɛ nyane yɛɛ metɛwole,Metɛtetele mgbavolɛ anzɛɛ mbɛlɛra* ɛlɛ.”+   Kɛ mɔɔ bɛdele Yigyibiti edwɛkɛ ne+ na bɛlile nyane la,Zɔhane ala a menli bali nyane wɔ Taya edwɛkɛ ne anwo a.+   Bɛpɛ nu bɛhɔ Tahyehye! Bɛmɛ ɛnweazo amra, bɛzu bɛye awolɛ!   Asoo bɛ suakpole ɛhye a ɛnee die ɔ nye ɔvi tete ne, wɔ ye mɔlebɛbo ne la ɔ? Ɛnee ɔ gyakɛ fa ye kɔtɛnla azɛlɛ mɔɔ wɔ moamoa la azo.   Nwane a ɛbɔ kpɔkɛ ɛhye ɛtia Taya,Mɔɔ soa menli abotile,Mɔɔ ɛnee ye gualilɛma le mgbanyima,Mɔɔ ɛnee bɛdi ye kongozilɛma eni wɔ azɛlɛ ye amuala azo la ɛ?+   Ɛlɔne Gyihova mumua ne a ɛbɔ kpɔkɛ ɛhye a,Kɛ ɔfa yeagua ye adubɛnwo nee ye anwofɛlɛko ne amuala anwo evinli,Kɛ ɔfa yeagua bɛdabɛ mɔɔ bɛlile bɛ eni wɔ azɛlɛ ye azo amuala la anyunlu aze.+ 10  O Tahyehyema, bɛze bɛ azɛlɛ ne azo kɛ Azule Naele ne la. Meli agyinlaleɛ* ɛnle ɛkɛ ne bieko.+ 11  Yedende ɔ sa wɔ nyevile ne azo;Yekpusu arelemgbunlililɛ. Gyihova ɛha kɛ bɛzɛkye Fonehyea aranemgbole ne mɔ.+ 12  Na ɔse: “Ɛnrɛlie ɛ nye bieko,+O Saedɛnema* mɔɔ bɛsisi bɛ. Bɛdwazo, bɛpɛ nu bɛhɔ Kitem.+ Na ɛkɛ ne bɔbɔ, bɛ nwo ɛnrɛdɔ bɛ.” 13  Nea! Kaledeama azɛlɛ ne.+ Menli ɛhye mɔ ɔ—na tɛ Aselea+ ɔ—Bɛdabɛ a bɛmaa yeyɛ ɛsɛlɛ zo nane ɛleka a. Bɛziezie bɛ akodeɛ ne;Bɛbubu ye tawa mgbole ne mɔ,+Na bɛzɛkye ye bɔkɔɔ. 14  Bɛmɛ Tahyehye meli, bɛzu bɛye awolɛ,Ɔluakɛ bɛzɛkye bɛ aranemgbole ne.+ 15  Kenle zɔhane, bɛ rɛle bavi Taya ɛvolɛ 70,+ kɛ belemgbunli ko ngoane mekɛ la. Wɔ ɛvolɛ 70 awieleɛ, mɔɔ bado Taya la bayɛ kɛ tuutuunli bie mɔɔ bɛdole ɔ nwo edwɛne kɛ: 16  “O tuutuunli mɔɔ bɛ rɛle ɛvi wɔ, fa haape duolua sua ne azo. Bɔ wɔ haape ne maa ɔyɛ fɛ;To edwɛne dɔɔnwo,Amaa bɛahakye wɔ.” 17  Ɛvolɛ 70 ne dwu a, Gyihova bado ɔ nye anlea Taya, na ɔbazia yeahɔ ye ɛkpabɔlɛ ne azo, na ɔ nee ewiade arelemgbunlililɛ kɔsɔɔti mɔɔ wɔ azɛlɛ ye azo la abɔ adwɔmane. 18  Noko ye nvasoɛ nee ye ɛkpabɔlɛ ne bayɛ nwuanzanwuanza debie yeamaa Gyihova. Bɛnrɛva bɛnrɛzie, yɛɛ bɛnrɛva bɛnrɛvea ɔluakɛ ye ɛkpabɔlɛ ne bayɛ Gyihova menli ne ɛdeɛ, amaa bɛali bɛ ko ayi na bɛawula adɛladeɛ ngɛnlɛma.+

Ɔbodwɛkɛ

Ɛhye kile, Naele Azule ne asa ngane ne bie.
Hibulu aneɛ nu, “mbɛlɛra mɔɔ bɛnze mrenyia la.”
Anzɛɛ ɔkola ɔkile, “Habɔ.”
Hibulu aneɛ nu, “Saedɛn ara raalɛ mɔɔ ɛnze nrenyia.”