Ayezaya 24:1-23

  • Gyihova ɛlɛmaa azɛlɛ ne adɔ mgbane (1-23)

    • Gyihova ɛyɛ Belemgbunli wɔ Zayɔn (23)

24  Nea! Gyihova ɛlɛye azɛlɛ ne azo debie biala na yeamaa yeadɔ mgbane.+ Yebutu ɔ nye aze*+ na yemaa menli mɔɔ wɔ zo la ɛbɔ asande.+   Deɛ ko ne ala a bado awie biala a: Mɔɔ bado menli ne la bado ɛsɔfo ne,Mɔɔ bado sonvolɛ la bado ɔ menle,Mɔɔ bado sonvolɛ raalɛ la bado ɔ menle raalɛ,Mɔɔ bado sonla mɔɔ tɔ debie la bado mɔɔ tɔne debie la,Mɔɔ bado sonla mɔɔ bɔ bosea la bado mɔɔ die bosea la,Mɔɔ bado sonla mɔɔ fa debie fili la bado mɔɔ fili debie la.+   Azɛlɛ ne badɔ mgbane bɔkɔɔ;Bɛbasesa zolɛ debie biala,+Ɔluakɛ Gyihova a ɛha edwɛkɛ ɛhye a.   Azɛlɛ ne ɛlɛdi nyane;*+ ɔlɛsɛkye. Azɛlɛ ne ɛhete; zolɛ ɛyɛ resee. Menli titili mɔɔ wɔ azɛlɛ ne azo la ɛha ekyi bie.   Menli mɔɔ de azɛlɛ ne azo la ɛgua nwolɛ evinli,+Ɔluakɛ bɛanli mɛla ne mɔ azo,+Bɛhakyi adehilelɛ ne,+Yɛɛ bɛzɛkye dahuu* ngyekyeleɛ ne.+   Ɛhye ati a munzule ɛha azɛlɛ ne,+Na menli mɔɔ wɔ zolɛ la ɛli fɔlɛ la. Ɛhye ati a menli mɔɔ wɔ azɛlɛ ne azo la ɛlɛwie,Na menli ekyi bie ala a ɛha zo la.+   Nwanye fofolɛ ne ɛlɛdi nyane,* vanye ne ɛnwoso,+Yɛɛ menli mɔɔ di fɛlɛko wɔ bɛ ahonle nu la kɔsɔɔti ɛlɛnwu amaneɛ.+   Akɛya nwo anyelielɛ ne abo ɛpɛ;Menli mɔɔ kulo anyelielɛ la dede ne ɛra awieleɛ;Haape ne fɛlɛko ne abo ɛpɛ.+   Bɛlɛno nwanye a bɛndo edwɛne,Yɛɛ nza yɛ menli mɔɔ no la ɛnwonle. 10  Sua ne mɔɔ ɛdɔ mgbane la ɛbubu;+Bɛdo sua biala anu amaa awie angola anwolo nu. 11  Bɛsu bɛkpondɛ nwanye wɔ awɔdenle ne mɔ azo. Fɛlɛkolilɛ kɔsɔɔti ɛminli;Azɛlɛ ne azo anyelielɛ ɛwie.+ 12  Suakpole ne ɛzɛkye;Anlenkɛ kpole ne ɛbubu ɛgua.+ 13  Kɛ ɔbayɛ wɔ azɛlɛ ne azo yeamaa menli ne la ɛne: Ɔbayɛ kɛ ɔlivi baka mɔɔ bɛkpolo zolɛ ma,+Kɛ vanye ma mɔɔ bɛtete bɛwie na yeha ɔ bo zo la.+ 14  Bɛbamaa bɛ ne zo,Bɛbava anyelielɛ bɛadeɛdea nu. Bɛbabɔ Gyihova kpoleyɛlɛ ne nolo bɛavi nyevile nu* lɔ.+ 15  Ɛhye ati a bɛbawula Gyihova anyunlunyia wɔ aduduleɛ nehane la;+Bɛbawula Gyihova, Yizilayɛ Nyamenle ne duma ne anyunlunyia wɔ mbɔra mɔɔ wɔ nyevile nu la azo.+ 16  Yɛte kɛ bɛlɛto edwɛne wɔ azɛlɛ ne ɛleka biala kɛ: “Anyunlunyia ɛha Tenlenenli Ko ne!”+ Noko mese: “Me nwo ɛbubu me, me nwo ɛbubu me! Me gyakɔ! Mɛlɛbɛla sonla ne ɛbɔ adalɛ ɛbɛla;Mɛlɛbɛla sonla ne ɛlua mɛlɛbɛla adenle zo ɛbɔ adalɛ ɛbɛla.”+ 17  Wɔmɔ mɔɔ ɛde azɛlɛ ne azo la, ɛzulolɛ nee kuma yɛɛ ɛhane ɛlɛkendɛ wɔ.+ 18  Awie biala mɔɔ bade ɛzulolɛ ne ane mɔɔ ɔbanriandi la badɔ kuma ne anu,Na awie biala mɔɔ ɔbavi kuma ne anu yeavinde la badɔ ɛhane ne anu.+ Ɔluakɛ ɔbabuke anwuma nzule nlenkɛ ne mɔ,Na azɛlɛ ne adiabo ne mɔ bakpusu. 19  Azɛlɛ ne ɛkpuke;Azɛlɛ ne ɛkpusu;Azɛlɛ ne ɛwoso kpole kpalɛ.+ 20  Azɛlɛ ne ɛlɛtotɔ kɛ awie mɔɔ ɛbo la,Ɔlɛdi akɔneaba kɛ kpɔda mɔɔ anwoma ɛlɛbɔ ye la. Ye ɛtane ɛbo ɔ nwo zo,+Na ɔbadɔ aze mɔɔ ɔnrɛdwazo bieko a. 21  Kenle zɔhane, Gyihova babua anwuma ɛlɔne neNee arelemgbunli mɔɔ wɔ azɛlɛ ye azo la ndɛne. 22  Bɛbaboɔboa bɛ nloaKɛ pilizama mɔɔ bɛboɔboa bɛ nloa wɔ kuma nu la,Na bɛbagua bɛ efiade;Mekɛ dɔɔnwo pɛ nu a, bɛbahakyi bɛ nye bɛara bɛ nwo zo. 23  Siane ne babɔ anyiemgba,Na sɛnzɛne ne mɔɔ ta la aze nyiane,+Ɔluakɛ ɛlɔne Gyihova ɛyɛ Belemgbunli+ wɔ Zayɔn Boka+ ne azo yɛɛ Gyɛlusalɛm,Ye anyunlunyia ne bala ali wɔ ye menli ne mgbanyinli* ne anyunlu.+

Ɔbodwɛkɛ

Anzɛɛ “Yehakyi ɔ nyunlu.”
Anzɛɛ ɔkola ɔkile, “ɛwe.”
Anzɛɛ “tete.”
Anzɛɛ ɔkola ɔkile, “ɛsesa.”
Anzɛɛ “bɛavi adɔleɛ.”
Hibulu aneɛ nu, “ye mgbanyinli.”