Ayezaya 26:1-21

  • Anwodozo nee ngoanelielɛ nwo edwɛne (1-21)

    • Gyaa Gyihova, dahuu Bodane ne (4)

    • Azɛlɛ ne azo amra bazukoa tenleneyɛlɛ (9)

    • “Wɔ menli mɔɔ ɛwu la badɛnla ngoane nu” (19)

    • Bɛhɔwolo bɛ suakunlu na bɛvea (20)

26  Kenle zɔhane, bɛbado edwɛne ɛhye+ wɔ Dwuda azɛlɛ zo kɛ:+ “Yɛlɛ suakpole bie mɔɔ ɔyɛ se la.+ Ɔfa ngoanelielɛ ɔyɛ ye bane nee ye tawa ne mɔ.+   Bɛbuke nlenkɛ mgbole ne mɔ+ amaa maanle tenlene ne awolo nuhua,Maanle mɔɔ di nɔhalɛ la.   Ɛbabɔ menli mɔɔ tudu kisa wɔ bɔkɔɔ la* anwo bane;Ɛbamaa bɛanyia anzodwolɛ dahuu,+Ɔluakɛ wɔmɔ a bɛ rɛle wɔ wɔ nu a.+   Fa ɛ rɛle wula Gyihova anu dahuu,+Ɔluakɛ Gyaa* Gyihova a le dahuu Bodane ne a.+   Yeha bɛdabɛ mɔɔ bɛde boka zo, suakpole mɔɔ wɔ anwuma la aze. Yeha ye yegua,Yeha ye yegua aze;Yevuandi ye yedo ndɛtɛlɛ ne anu.   Menli mɔɔ ɛhyia la agyakɛ batietia zo,Koahweabanema agyakɛ.”   Tenlenenli adenle tenrɛ fɔɔnwo.* Kɛmɔ ɛle tenlenenli la ati,Ɛbamaa tenlenenli adenle zo ayɛ tonlotonlo.   O Gyihova, kɛmɔ yɛlɛkpondɛ wɔ ndɛnebualɛ adenle ne la ati,Yɛ nye la ɛ nwo zo. Wɔ duma nee wɔ ngakyelɛ* la yɛ ahonle nwo.   Ɔdwu nɔɔzo a, me nwo amuala* dɔ wɔ,Ɛhɛe, me sunsum kɔ zo kpondɛ wɔ;+Ɔluakɛ saa ɛbua azɛlɛ ye ndɛne a,Menli mɔɔ de azɛlɛ ne azo la sukoa tenleneyɛlɛ.+ 10  Saa bɛdo amumuyɛnli bɔbɔ a,Ɔnrɛzukoa tenleneyɛlɛ.+ Wɔ tenleneyɛlɛ* azɛlɛ zo bɔbɔ, ɔbayɛ amumuyɛ,+Na ɔnrɛnwu Gyihova kpoleyɛlɛ ne.+ 11  O Gyihova, wɔmaa ɛ sa zo noko bɛnnwu ye.+ Bɛbanwu kɛzi ɛbɔ wɔ menli ne anwo mɔdenle la na bɛaze nyiane. Ɛhɛe, wɔ senle ne bayela wɔ agbɔvolɛ. 12  O Gyihova, ɛbamaa yɛanyia anzodwolɛ,+Ɔluakɛ debie biala mɔɔ yɛyɛ laƐdawɔ a wɔyɛ wɔmaa yɛ a. 13  O Gyihova yɛ Nyamenle, menlenlɛ bie mɔ noko ɛli yɛ nwo zo tumi,+Noko ɛ ngomekye a yɛbɔ wɔ duma a.+ 14  Bɛwu; bɛnrɛdɛnla ngoane nu. Ewule ɛlie bɛ tumi, bɛnrɛdwazo.+ Ɔluakɛ wɔdo ɛ nye wɔnlea bɛKɛ ɛsɛkye bɛ na bɛ duma aminli. 15  O Gyihova, wɔmaa maanle ne ɛyɛ kpole,Wɔmaa maanle ne ɛyɛ kpole;Wɔwula ɛ nwo anyunlunyia.+ Wɔdɛlɛ azɛlɛ ne ɛweɛne ne amuala anu kpole kpalɛ.+ 16  O Gyihova, wɔ bɛ amaneɛnwunlɛ ne anu, bɛrale wɔ ɛkɛ;Mekɛ mɔɔ ɛdeanle bɛ la, bɛhanle bɛ ne aze bɛyɛle asɔne ɛsesebɛ.+ 17  O Gyihova, kɛ mɔɔ nrenzɛvolɛ mɔɔ ako ɛha yeTe awolɛ nyane na ɔsu la,Zɔhane ala a wɔmaa yedo yɛ a. 18  Yɛnrenzɛle, yɛdele awolɛ nyane,Noko ɔle kɛ asɛɛ yɛwo anwoma la. Yɛtɛfale ngoanelielɛ yɛtɛbale azɛlɛ ne azo,Yɛɛ bɛtɛwole awie kɛ ɔdɛnla azɛlɛ ne azo. 19  “Wɔ menli mɔɔ ɛwu la badɛnla ngoane nu. Me avunli* badwazo.+ Bɛmɛ mɔɔ bɛwɔ ndɛtɛlɛ nu,+Bɛdwazo na bɛva anyelielɛ bɛdeɛdea nu! Ɔluakɛ wɔ ɛbɔlɛ le kɛ nwonlomɔ ɛbɔlɛ,*Na azɛlɛ ne bamaa bɛdabɛ mɔɔ ewule ɛlie bɛ tumi la ara ngoane nu.* 20  Me menli, bɛhɔwolo bɛ suakunlu,Na bɛtoto bɛ nlenkɛ ne mɔ anu.+ Bɛva bɛ nwo bɛvea ekyiiKɔkpula kɛ ɛya ne kɛpɛ nu.+ 21  Ɔluakɛ nea! Gyihova vi ye tɛnlabelɛ ne ɛlɛbaKɛ ɔmaa azɛlɛ ne azo amra abu bɛ ɛtane nwo mgbonda,Na azɛlɛ ne bamaa mogya mɔɔ yeha yegua la ala aliNa ɔnrɛheda ye menli mɔɔ bɛhu bɛ la anwo zo bieko.”

Ɔbodwɛkɛ

Anzɛɛ ɔkola ɔkile, “menli mɔɔ bɛ adwenle si pi la.”
“Gyaa” le Gyihova duma ne mɔɔ bɛpɛ ye sinli la.
Anzɛɛ “la aze fɛɛnye.”
Ɛhye kile, kɛ bɛbahakye Nyamenle nee ye duma ne, bɛbamaa menli ade.
Anzɛɛ “me ɛkɛla nwo.”
Anzɛɛ “fɔɔnwoyɛlɛ.”
Hibulu aneɛ nu, “Medame me funli.”
Anzɛɛ ɔkola ɔkile, “nyasule.”
Anzɛɛ “bawo bɛdabɛ mɔɔ ewule ɛlie bɛ tumi la.”