Ayezaya 22:1-25

  • Ɛnyelɛzodeɛnwunlɛ Bɔnza ne anwo nrɛlaleɛ (1-14)

  • Bɛva Yilayakem bɛzie sonvolɛ Hyɛbena gyinlabelɛ ne (15-25)

    • Sɛkɛlɛneɛ adenle zo pɛlɛko (23-25)

22  Ɛnyelɛzodeɛnwunlɛ Bɔnza* ne anwo nrɛlaleɛ ɛne:+ Duzu edwɛkɛ ɔ, mɔɔ bɛ muala bɛvo bɛhɔ bɛ azua ti zo a?   Suakpole mɔɔ ɛnee dede ɛyi zo,Zolɛ le begyebegye, anyelielɛ sua. Wɔ menli mɔɔ bɛhunle bɛ la anwu dadeɛ nloa,Yɛɛ bɛanwu konle nu.+   Wɔ tumivolɛma atisesebɛ ne mɔ amuala ɛnriandi.+ Bɛhyele bɛ mɔɔ bɛando ɛda ko bɔbɔ a. Bɛnriandile bɛhɔle moamoa ɛdeɛ,Noko bɛhyele bɛdabɛ mɔɔ bɛnwunle bɛ la amuala.+   Ɛhye ati a menganle kɛ: “Ye ɛ nye fi me nwo,Na mebazu alɔbɔlɛ ɛzunlɛ.+ Mmabɔ mɔdenle kɛ ɛkyekye me rɛleWɔ me menli ne ɛzɛkyelɛ ne anwo.+   Ɔluakɛ ɔle anyezota, ɛzɛkyelɛ nee anwowosolɛ kenle+Mɔɔ Tumivolɛ Awulae, ɛlɔne Gyihova,Ɛva ɛra Ɛnyelɛzodeɛnwunlɛ Bɔnza ne anu a. Bɛbubu bane ne+Yɛɛ ɛzunlɛ ne ɛdwu boka ne azo.   Yilam+ ɛva ɛda mbaka kodoku neWɔ konle ehwili mɔɔ mgbɔnwɔ twe bɛ la anu,Yɛɛ Kɛɛ+ ɛye enyinlike ne anwo.*   Wɔ mbɔnza ngɛnlɛma ne mɔ anuBayɛ konle ehwili ngome,Na mgbɔnwɔ* baragyinlegyinla anlenkɛ ne anloa,   Na bɛbaye Dwuda anwo ɛdanlɛ* ne. “Kenle zɔhane, bɛbava bɛ nye bɛado konle ninyɛne mɔɔ wɔ Ɛhoayelɛ Sua ne anu la azo,+  na bɛbanwu kɛ Devidi Suakpole ne ɛgyigya dɔɔnwo.+ Na bɛbasesa nzubula ne mɔɔ wɔ aze la anu nzule.+ 10  Bɛbadia azua mɔɔ wɔ Gyɛlusalɛm la na bɛabubu azua ne mɔ bɛava bɛamiemia bane ne anu. 11  Bɛbayɛ debie mɔɔ nzule gyinla nu la wɔ bane nwiɔ ne avinli bɛava bɛazɔ nzubula dɛba ne anu nzule, noko bɛnrɛva bɛ nwo bɛnrɛdo ye Yɛvolɛ Kpole ne anwo zo, yɛɛ bɛnrɛnwu Ahenle mɔɔ yɛle ye wɔ tete ne la. 12  Kenle zɔhane, Tumivolɛ Awulae, ɛlɔne Gyihova,Bavɛlɛ menli kɛ bɛzu na bɛli nyane,+Bɛkpa bɛ ti na bɛheda ɛrele. 13  Noko bɛlɛdie bɛ nye na bɛali fɛlɛko,Bɛlɛku nlankɛ nee mboane,Bɛlɛdi nane na bɛanlo nwanye.+ Bɛbaha kɛ: ‘Bɛmaa yɛli na yɛnlo, ɔluakɛ ɛhyema ɛnee yɛwu.’”+ 14  Akee ɛlɔne Gyihova hanle guale me nzo nu kɛ: “‘Bɛnrɛkpɔda ɛtane ɛhye bɛnrɛmaa bɛ kɔkpula kɛ bɛbawu,’+ Tumivolɛ Awulae, ɛlɔne Gyihova a se a.” 15  Edwɛkɛ mɔɔ Tumivolɛ Awulae, ɛlɔne Gyihova ɛha la ɛne: “Kɔ sonvolɛ Hyɛbena+ mɔɔ nea sua ne azo* la ɛkɛ na se ye kɛ, 16  ‘Duzu a ɛkpondɛ ye wɔ ɛke a, yɛɛ nwane a ɛkpondɛ ye wɔ ɛke mɔɔ ɔti wɔbɔ nla wɔmaa ɛ nwo wɔ ɛke a?’ Ɔlɛbɔ nla yeamaa ɔ nwo wɔ ɛleka mɔɔ wɔ anwuma; yɛɛ ɔlɛyɛ ɛnwomenlelielɛ ɛleka* yeamaa ɔ nwo wɔ bodane nu. 17  ‘O sonla, nea! Gyihova bavuandi wɔ ado aze kpole kpalɛ na yeazɔ wɔ nu ɛsesebɛ. 18  Ɔbanyenya wɔ kpalɛ na yeavuandi wɔ yeado azɛlɛ tɛtɛlɛ zo kɛ bɔlo la. Ɛkɛ ne a ɛbawu a, na ɛkɛ ne a wɔ anyunlunyia ehwili ne mɔ bahakyi anyiemgba wɔ ɛ menle sua nu a. 19  Mebalie wɔ gyinlabelɛ ne meavi ɛ sa nu na meaye wɔ gyima nu. 20  “‘Kenle zɔhane, mebavɛlɛ me sonvolɛ Yilayakem,+ Helekaya ara nrenyia ne, 21  na mebava wɔ tɛladeɛ ne meawula ye na meava wɔ tabule ne meahye ye avinli,+ na meava wɔ tumi ne meawula ɔ sa nu. Na ɔbayɛ Gyɛlusalɛmma nee Dwuda abozoamra ɛ papa. 22  Mebava Devidi abozoamra sanvɛ ne+ meado ɔ bati. Ɔbabuke na awie biala ɛnrɛdo nu; yɛɛ ɔbado nu na awie biala ɛnrɛbuke. 23  Mebava ye meabɔ ɛleka mɔɔ yɛ se la kɛ pɛlɛko, na ɔbayɛ kɛ anyunlunyia belemgbunli ebia la yeamaa ye papa sua nu amra. 24  Na bɛbava ye papa sua nu anyunlunyia* ne amuala, mralɛ nee nlɔnra kɔsɔɔti, ahyɛnze mgbole nee ngyikyi kɔsɔɔti bahendahenda ye. 25  “‘Kenle zɔhane,’ kɛ ɛlɔne Gyihova se la ɛne, ‘bɛbadu pɛlɛko ne mɔɔ bɔ ɛleka mɔɔ yɛ se la, na bɛapɛ ye bɛado aze,+ na adesoa ne mɔɔ hendahenda ye la bagua aze na yeazɛkye, ɔluakɛ Gyihova mumua ne a ɛha a.’”

Ɔbodwɛkɛ

Ɔda ali kɛ yemɔ a le Gyɛlusalɛm.
Anzɛɛ “ɛziezie ye enyinlike ne.”
Anzɛɛ “menli mɔɔ dede mgbɔnwɔ zo la.”
Anzɛɛ “anwobanebɔlɛ.”
Anzɛɛ “belemgbunli sua nu ɛkɛ ne.”
Hibulu aneɛ nu, “tɛnlabelɛ.”
Hibulu aneɛ nu, “ɛlomboɛ.”