Ayezaya 52:1-15

  • Dwazo! O Zayɔn! (1-12)

    • Menli mɔɔ ɛlɛfa edwɛkpa ara la agyakɛ abo le kɛnlɛma (7)

    • Zayɔn sinzavolɛma bɔ nu tea nu (8)

    • Ɔwɔ kɛ menli mɔɔ zo Gyihova ahyɛnze ne mɔ la anwo te (11)

  • Bɛbakpogya Gyihova sonvolɛ ne zo (13-15)

    • Ye sonlabaka ne hakyile (14)

52  Dwazo! Dwazo! O Zayɔn, fa anwosesebɛ keda!+ Wula wɔ adɛladeɛ ngɛnlɛma ne mɔ,+ O Gyɛlusalɛm, suakpole nwuanzanwuanza! Ɔluakɛ awie mɔɔ bɛtɛpɛle ye mrenyiazo nee awie mɔɔ anwo ɛnde la ɛnrɛwolo wɔ nu bieko.+   O Gyɛlusalɛm, kpokpo ɛ nwo munlutu ne, dwazo na tɛnla ebia zo. Sanyizanyi ɛ kɔme nyɛma ne mɔ, O Zayɔn mɔɔ ɛwɔ akɛlɛzonlenlɛ nu.+   Ɔluakɛ edwɛkɛ mɔɔ Gyihova ɛha la ɛne: “Bɛandɔne wɔ bɛanlie ɛhwee,+Yemɔti bɛnrɛdua ezukoa na bɛalie wɔ.”+   Ɔluakɛ edwɛkɛ mɔɔ Tumivolɛ Awulae Gyihova ɛha la ɛne: “Alimoa ne me menli ne hɔdɛnlanle Yigyibiti kɛ nyɛvolɛ;+Akee Aselea hilele bɛ nyane mgbane gyɛne ne ala.”   “Ɛnee kɛkala, duzu a ɔwɔ kɛ meyɛ ye wɔ ɛke a?” kɛ Gyihova se la ɛne. “Ɔluakɛ bɛvale me menli ne bɛhɔle mgbane. Menli mɔɔ ɛlɛdi bɛ nwo zo tumi la vale konimlilɛ deɛdeanle nu,”+ kɛ Gyihova se la ɛne,“Na ɛnee dahuu bɛnli me duma ne eni.+   Yemɔti me menli ne banwu me duma;+Ɛhye ati bɛbanwu ye wɔ kenle zɔhane kɛ Medame a melɛtendɛ a. Nea, medame ɔ!”   Nea kɛzi ahenle mɔɔ lua awoka ne mɔ azo ɛlɛfa edwɛkpa ara la agyakɛ abo le kɛnlɛma a,+Ahenle mɔɔ ɛlɛbɔ anzodwolɛ nolo,+Ahenle mɔɔ ɛlɛfa debie kpalɛ nwo edwɛkpa ara,Ahenle mɔɔ ɛlɛka ngoanelielɛ nwo edwɛkɛ,Ahenle mɔɔ ɛlɛka ahile Zayɔn kɛ: “Wɔ Nyamenle ne ɛrayɛ Belemgbunli!”+   Nea! Wɔ sinzavolɛma ɛmaa bɛ ne zo. Bɛ muala bɛfa fɛlɛkolilɛ bɛtea nu,Ɔluakɛ saa Gyihova boɔboa Zayɔn anloa bieko a, bɛbanwu ye wienyi.*   Bɛmaa bɛ nye ɛlie, bɛbɔ nu bɛva fɛlɛkolilɛ bɛdea nu, Gyɛlusalɛm mɔɔ ɛdɔ mgbane,+Ɔluakɛ Gyihova ɛkyekye ye menli ne arɛle;+ yelie Gyɛlusalɛm.+ 10  Gyihova ɛye ɔ sa nwuanzanwuanza ne anwo yemaa maanle maanle kɔsɔɔti ɛva bɛ nye ɛnwu ye;+Awie biala mɔɔ wɔ azɛlɛ ye azo la banwu yɛ Nyamenle ne ngoanelielɛ* gyima ne mɔ.+ 11  Bɛhwe bɛ nwo, bɛhwe bɛ nwo, bɛvi ɛkɛ bɛhɔ,+ bɛmmafa bɛ sa bɛka debie mɔɔ anwo ɛnde la!+ Bɛvi ye avinli bɛhɔ,+ bɛmaa bɛ nwo ɛde,Bɛmɛ mɔɔ bɛzo Gyihova ahyɛnze ne mɔ la.+ 12  Bɛnrɛva anwowosolɛ bɛnrɛvi ɛkɛ,Yɛɛ bɛnrɛnriandi,Ɔluakɛ Gyihova bali bɛ nyunlu,+Na Yizilayɛ Nyamenle ne bali bɛ nzi.+ 13  Nea! Me sonvolɛ ne+ bava nwunu ali gyima. Bɛbamaa ye zo,Bɛbakpogya ye zo na bɛamaa ye gyinlabelɛ kpole.+ 14  Kɛ mɔɔ menli dɔɔnwo nwunle ye na ɔzinle bɛ nwo la—Ɔluakɛ ye sonlabaka ne hakyile bɔkɔɔ mɔɔ ɛnee ɔnzɔho sonla aYɛɛ ye kɛnlɛma ne zɛkyele mɔɔ ɛnee ɔnzɔho dasanli a— 15  Zɔhane ala a ɔbamaa maanle maanle dɔɔnwo abɔ mgbatike a.+ Arelemgbunli baha bɛ nloa ado nu* wɔ ɔ nyunlu,+Ɔluakɛ bɛbanwu mɔɔ bɛtɛkanle bɛtɛkilele bɛ laNa bɛazuzu mɔɔ bɛtɛtele la anwo.+

Ɔbodwɛkɛ

Anzɛɛ “ye bɛ nye zo.”
Anzɛɛ “konimlilɛ.”
Anzɛɛ “badɔ mumule.”